"Bul Memleket basshysynyń jeke tapsyrmasy, kiltti onyń atynan tabystaımyn. Sizdiń ulyńyz batyldyq jasady. Ol qanshama adamnyń ómirin saqtap qaldy. Onyń artynda balalary qaldy. Biz olarǵa bar múmkindigimizshe kómektesemiz. Jańa páterge kóshe alý úshin osy aıda jóndeý jumystaryn jasaımyz. Sabyr etińizder, berik bolyńyzdar!", – dedi ákim.
Eske salaıyq, 18 shildede Almatyda terorıstik akt bolǵan edi. Belgisiz er adam Almaly aýdandyq İİB men UQK departamentine qarýly shabýyl jasady. Oqıǵa saldarynan bes adam, onyń ishinde úsh polısıa qyzmetkeri qaza tapty. Qalada terrorlyq qaterdiń qyzyl deńgeıi jarıalandy. Qylmysker ustaldy,ol buryn isti bolǵan Qyzylorda oblysynyń týmasy Rýslan Kúlekbaev bolyp shyqty.
Osyǵan deıin İİD tergeý jumystary barysynda18 shildede polıseılerdi óltirdi degen kúdikke ilingen Rýslan Kúlekbaevtyń jaldamaly páterdi anyqtaǵan bolatyn. Polısıadaǵylar páterde adam ómirine qaýipti zattardyń bar-joǵyn tekserip shyqty. Alaıda, polısıa qyzmetkerleri páterdi tintý kezinde qaýipti zattardy tappady. Al keshe Rýslan Kúlekbaev eki aıǵa qamaýǵa alyndy.
Sondaı-aq, 20 shildede Almatyda teraktiden qaza tapqan polıseılermen qoshtasý rásimi ótti. Qala ákimi Baýyrjan Baıbek te qoshtasý rásimine qatysty. Ol barlyq almatylyqqa alǵys aıtqan edi.
Aıta keteıik, teraktiden qaza tapqandardyń otbasyna 15 mıllıon teńgeden, al zardap shekkenderdiń otbasyna bes mıllıon teńgeden beriletin boldy.
