"بۇل مەملەكەت باسشىسىنىڭ جەكە تاپسىرماسى، كىلتتى ونىڭ اتىنان تابىستايمىن. ءسىزدىڭ ۇلىڭىز باتىلدىق جاسادى. ول قانشاما ادامنىڭ ءومىرىن ساقتاپ قالدى. ونىڭ ارتىندا بالالارى قالدى. ءبىز ولارعا بار مۇمكىندىگىمىزشە كومەكتەسەمىز. جاڭا پاتەرگە كوشە الۋ ءۇشىن وسى ايدا جوندەۋ جۇمىستارىن جاسايمىز. سابىر ەتىڭىزدەر، بەرىك بولىڭىزدار!"، – دەدى اكىم.
ەسكە سالايىق، 18 شىلدەدە الماتىدا تەرروريستىك اكت بولعان ەدى. بەلگىسىز ەر ادام المالى اۋداندىق ءىىب مەن ۇقك دەپارتامەنتىنە قارۋلى شابۋىل جاسادى. وقيعا سالدارىنان بەس ادام، ونىڭ ىشىندە ءۇش پوليسيا قىزمەتكەرى قازا تاپتى. قالادا تەررورلىق قاتەردىڭ قىزىل دەڭگەيى جاريالاندى. قىلمىسكەر ۇستالدى،ول بۇرىن ءىستى بولعان قىزىلوردا وبلىسىنىڭ تۋماسى رۋسلان كۇلەكبايەۆ بولىپ شىقتى.
وسىعان دەيىن ءىىد تەرگەۋ جۇمىستارى بارىسىندا18 شىلدەدە پوليسەيلەردى ءولتىردى دەگەن كۇدىككە ىلىنگەن رۋسلان كۇلەكبايەۆتىڭ جالدامالى پاتەردى انىقتاعان بولاتىن. پوليسياداعىلار پاتەردە ادام ومىرىنە ءقاۋىپتى زاتتاردىڭ بار-جوعىن تەكسەرىپ شىقتى. الايدا، پوليسيا قىزمەتكەرلەرى پاتەردى ءتىنتۋ كەزىندە ءقاۋىپتى زاتتاردى تاپپادى. ال كەشە رۋسلان كۇلەكبايەۆ ەكى ايعا قاماۋعا الىندى.
سونداي-اق، 20 شىلدەدە الماتىدا تەراكتىدەن قازا تاپقان پوليسەيلەرمەن قوشتاسۋ ءراسىمى ءوتتى. قالا اكىمى باۋىرجان بايبەك تە قوشتاسۋ راسىمىنە قاتىستى. ول بارلىق الماتىلىققا العىس ايتقان ەدى.
ايتا كەتەيىك، تەراكتىدەن قازا تاپقانداردىڭ وتباسىنا 15 ميلليون تەڭگەدەن، ال زارداپ شەككەندەردىڭ وتباسىنا بەس ميلليون تەڭگەدەن بەرىلەتىن بولدى.
