Qazybek bı aýdandyq sotynyń sýdıasy Jumaǵul Shújenov sottalýshynyń ótinishin qanaǵattandyryp, óz sheshimin jarıa etti. "Ábdishev merziminen buryn shartty túrde bosatylsyn, 1 jyl 4 aı 4 kúnge probasıalyq baqylaý ornatylsyn", - dedi sýdıa.
Eske salaıyıq, Baýyrjan Ábdishev 2015 jyldyń 11 jeltoqsanynda QR Qylmystyq kodeksiniń 365-babynyń 3-bóligi ("Zańdy kásipkerlik qyzmetke kedergi jasaý"), QR Qylmystyq kodeksiniń 307-babynyń 3-bóligi "Qyzmettik ókilettiligin asyra paıdalaný" jáne QR Qylmystyq kodeksiniń 364-babynyń 3-bóligi "Kásipkerlik qyzmetke zańsyz qatysý" baptary boıynsha ekonomıkalyq qylmys jasaǵany úshin bes jylǵa bas bostandyǵynan aıyrylǵan bolatyn.
Alaıda oblystyq sottyń apelásıalyq alqasy 14 naýryzdy jazany jeńildetti, onyń merzimi úsh jylǵa qysqarǵan edi. Sottalǵan Ábdishev túzemý mekemesinde 1 jyl 7 aı 25 kún boldy.
Derekkóz: tengrinews.kz
