قازىبەك بي اۋداندىق سوتىنىڭ سۋدياسى جۇماعۇل شۇجەنوۆ سوتتالۋشىنىڭ ءوتىنىشىن قاناعاتتاندىرىپ، ءوز شەشىمىن جاريا ەتتى. "ابدىشيەۆ مەرزىمىنەن بۇرىن شارتتى تۇردە بوساتىلسىن، 1 جىل 4 اي 4 كۇنگە پروباسيالىق باقىلاۋ ورناتىلسىن"، - دەدى سۋديا.
ەسكە سالايىيق، باۋىرجان ابدىشيەۆ 2015 جىلدىڭ 11 جەلتوقسانىندا ق ر قىلمىستىق كودەكسىنىڭ 365-بابىنىڭ 3-بولىگى ("زاڭدى كاسىپكەرلىك قىزمەتكە كەدەرگى جاساۋ")، ق ر قىلمىستىق كودەكسىنىڭ 307-بابىنىڭ 3-بولىگى "قىزمەتتىك وكىلەتتىلىگىن اسىرا پايدالانۋ" جانە ق ر قىلمىستىق كودەكسىنىڭ 364-بابىنىڭ 3-بولىگى "كاسىپكەرلىك قىزمەتكە زاڭسىز قاتىسۋ" باپتارى بويىنشا ەكونوميكالىق قىلمىس جاساعانى ءۇشىن بەس جىلعا باس بوستاندىعىنان ايىرىلعان بولاتىن.
الايدا وبلىستىق سوتتىڭ اپەللياسيالىق القاسى 14 ناۋرىزدى جازانى جەڭىلدەتتى، ونىڭ مەرزىمى ءۇش جىلعا قىسقارعان ەدى. سوتتالعان ابدىشيەۆ تۇزەمۋ مەكەمەسىندە 1 جىل 7 اي 25 كۇن بولدى.
دەرەككوز: tengrinews.kz
