Batys Qazaqstanda sportpen turaqty túrde 170 650 adam ainalysady
Basqarma basshysynyń aitýynsha Jaiyq óńirinde 57 sport túri, sonyń ishinde olimpiadalyq 28 sport túri damýda. 2017 jyly dene shynyqtyrý jáne sport salasynyń biýdjeti 3 056 264,0 myń teńge quraidy (jarty jylda 56% qarjy igerildi).
Jyl basynan beri oblystyq, respýblikalyq jáne halyqaralyq deńgeide 38 sport túrinen 107 jarys ótkizildi. Oblys sportshylary 339 medal (116 altyn, 101 kúmis, 122 qola) jeńip aldy.
Oblysta 25 balalar-jasóspirimder sport mektebi (11 038 cportshy 44 sport túri boiynsha shuǵyldanady), olimpiada rezervterin daiarlaý ortalyǵy, oblystyq joǵary sporttyq sheberligi mektebi, sportta daryndy balalarǵa arnalǵan mamandandyrylǵan oblystyq mektep-internaty, 11 sport klýby, onyń ishinde úsheýi kásipqoi klýb («Aqjaiyq» sport klýby» JShS, «Jaiyq» voleibol klýby» MKQK, «Aqjaiyq» fýtbol klýby» JShS) jumys isteidi.
Oblysta dene shynyqtyrýmen jáne sportpen turaqty túrde ainalysatyn adamdardyń sany 170 650 adamdy quraǵan. Bul barlyq oblys halqynyń 26,7% (2015 jyly 158 739 adam, 25,2%).
Múmkindikteri shekteýli azamattardyń sporttyq belsendiligin arttyrý, densaýlyǵyn nyǵaitý maqsatynda biyl «Múmkindikteri shekteýli azamattarǵa arnalǵan sport klýby» MQQK ashyldy.
2015 jyly Oral qalasynyń Zashaǵan kentinde 320 oryndyq, Jympity jáne Qaratóbe aýylynda 160 oryndyq dene shynyqtyrý-saýyqtyrý keshenderiniń qurylysy aiaqtalyp, ǵimarattar qoldanysqa berildi.
Qysqy sport túrlerin damytýǵa tiimdi jaǵdai jasaý maqsatynda KPO b.v. kompaniiasynyń qoldaýymen «Jastar» stadionynda jasandy muz aidynyn salý jumysy júrgizilýde. Jumys biylǵy jyldyń qazan aiynda aiaqtalady dep kútilýde.
Sonymen qatar Zelenov aýdany Peremetnyi aýylynda 160 oryndyq dene shynyqtyrý-saýyqtyrý kesheniniń qurylysy júrgizilip jatyr. Atalǵan keshende kópsalaly oiyn zaly (voleibol, basketbol, shaǵyn fýtbol), jekpe-jek jáne jattyǵý zaly bolady. Keshendi qoldanysqa berý 2017 jyldyń qarasha aiyna josparlanýda.
Bórli aýdanynyń Aqsai qalasynda stadiony bar dene shynyqtyrý-saýyqtyrý kesheniniń qurylysy júrgizilýde. Atalǵan keshende kópsalaly oiyn zaly, jekpe-jek zaly, boks zaly, jattyǵý zaly, 105h60 metrlik stadion, 8 jeńil atletikalyq jolaq, 2 sporttyq alań bolady. Keshendi qoldanysqa berý merzimi - 2017 jyldyń qyrkúiek aiy.
Sondai-aq, memlekettik-jekeshelik áriptestik aiasynda Aqjaiyq aýdanynda dene shynyqtyrý-saýyqtyrý keshenin salý josparda bar.
2020 jylǵa deiingi aimaqty damytý baǵdarlamasy sheńberinde jergilikti biýdjet esebinen 2017 jyly oblysta 4 sporttyq alań salyndy. 2017 jyldyń aiaǵyna deiin atalǵan baǵdarlama boiynsha jergilikti biýdjet esebinen 28 sporttyq alańdy salý kózdelýde (13 sport alańy Oral qalasynda, 15 sport alańy aýdan ortalyqtary men aýyldyq okrýgtarda).
Jýrnalisterdiń «Aqjaiyq» fýtbol klýbyn qarjylandyrý máselesine qatysty qoiǵan saýaldaryna jaýap bere kele Ásiia Rahymqyzy atalmysh jobanyń mańyzdylyǵyna toqtaldy.
– Klýbtyń biýdjeti otandyq ózge komandalarmen salystyrǵanda óte az dep aitýǵa bolady (1 mlrd. teńgeden az). Bul qarjyǵa kóp adam qate túsinip júrgenindei, tek qana legioner oiynshylardyń transferlerine jumsalmaidy. Sonymen birge, osy qarjy klýbtyń qyzmetkerlerine jalaqy tóleýge, qajetti dári-dármekterdi satyp alýǵa, jalpy fýtbol klýbynyń barlyq infraqurylymyn kútip ustaýǵa jumsalady. «Aqjaiyq» FK janyndaǵy balalardyń fýtbol ortalyǵy (700-ge jýyq adam), ortalyqtyń 4 aýdandaǵy (Syrym, Qaratóbe, Terekti, Bórli aýdandary) jáne Oral qalasyndaǵy 4 filialy da osy qarjyny paidalanady. Biyl biz klýbtyń bazasynda baqylaýshylar keńesin qurdyq. Onyń quramyna qoǵamdyq uiymdardyń, oiyn túrleri federatsiiasynyń ókilderi jáne oblystyq máslihattyń depýtttary endi. Sol sebepti bul másele bizdiń udaiy baqylaýymyzda, – dedi Á.Amanbaeva.
