2025 jylǵy 11 qyrkúiekte Aqtóbe qalasynda "Energetikalyq jáne kommýnaldyq sektorlardy jańǵyrtý" ulttyq jobasyn (EKSJ) iske asyrýǵa arnalǵan kóshpeli seminar ótti. Is-sharaǵa Aqtóbe jáne Batys Qazaqstan oblystarynyń ortalyq memlekettik organdarynyń, ákimdikteriniń, biznes-qoǵamdastyqtary men qarjy institýttarynyń ókilderi qatysty,- dep habarlaidy Dalanews.kz.
Seminar aiasynda ulttyq jobany iske asyrýdyń negizgi baǵyttary, memlekettik qoldaý tetikteri jáne óńirlerdegi kommýnaldyq infraqurylymdy jańǵyrtý úshin qarjylandyrý quraldary usynyldy.
QR Ulttyq ekonomika ministrligi Tabiǵi monopoliialardy retteý komiteti tóraǵasynyń orynbasary Nurlan Bolatbaev, Ónerkásip jáne qurylys ministrliginiń, "Báiterek "UBH" AQ-nyń, "TKSh QazOrtalyǵy" AQ-nyń ókilderi jáne basqa da qatysýshylar baiandama jasady.
EKSJ sheńberinde Aqtóbe oblysynda 2025-2029 jyldarǵa jalpy somasy 18,5 mlrd teńgege investitsiialar josparlanǵan. Qarajat oblystyń túrli eldi mekenderinde jylýmen jabdyqtaý, sýmen jabdyqtaý jáne sý burý júielerin jańǵyrtýǵa baǵyttalatyn bolady.
Negizgi jobalar:
- "Aqtobe su-energy group" AQ — 5,2 km jylý jelilerin, 2,4 km sý qubyrlary men 11,5 km káriz jelilerin kúrdeli jóndeý, 7 uńǵymany burǵylaý, 1 KNS qaita qurý.
- "Alǵa jylý" KMK (Alǵa q.) — №2 KSS qurylysy, 2,4 km jańa káriz jelilerin salý jáne 10,9 km qoldanystaǵy káriz jelilerin qaita jańartý, 2026 jyly — 0,3 km jylý jelileri.
- "Uly Borsyq" KMK — 2 km jylý jelileri men 4 km káriz jelilerin qaita jańartý.
- Aqtóbe oblysynda injenerlik infraqurylymdy jańǵyrtýǵa jáne TKSh energiia tiimdiligin arttyrýǵa 2026 jyly investitsiianyń jalpy kólemi shamamen 1,2 mlrd teńgeni quraidy.
- Batys Qazaqstan oblysynda 2025-2026 jyldarǵa "EKSJ" ulttyq jobasy boiynsha 25,1 mlrd teńge investitsiia salý josparlanýda.
- "Jaiyqteploenergo" AQ — 7,5 km jylý jelilerin qaita jańartý.
- "Batys sý arnasy" JShS - 6 km sý qubyry jáne 10 km káriz.
- "BQ AEK" JShS-elektr jelilerin jańǵyrtý, senimdilikti arttyrý, avtomattandyrý júielerin engizý.
Batys óńirlerde «EKSJ» ulttyq jobasyn iske asyrý turaqty jáne zamanaýi kommýnaldyq infraqurylymdy qurýǵa, azamattardyń ómir súrý sapasyn arttyrýǵa jáne óńirdiń energetikalyq qaýipsizdigin qamtamasyz etýge baǵyttalǵan.
