2025 جىلعى 11 قىركٷيەكتە اقتٶبە قالاسىندا "ەنەرگەتيكالىق جەنە كوممۋنالدىق سەكتورلاردى جاڭعىرتۋ" ۇلتتىق جوباسىن (ەكسج) ٸسكە اسىرۋعا ارنالعان كٶشپەلٸ سەمينار ٶتتٸ. ٸس-شاراعا اقتٶبە جەنە باتىس قازاقستان وبلىستارىنىڭ ورتالىق مەملەكەتتٸك ورگاندارىنىڭ, ەكٸمدٸكتەرٸنٸڭ, بيزنەس-قوعامداستىقتارى مەن قارجى ينستيتۋتتارىنىڭ ٶكٸلدەرٸ قاتىستى,- دەپ حابارلايدى Dalanews.kz.
سەمينار اياسىندا ۇلتتىق جوبانى ٸسكە اسىرۋدىڭ نەگٸزگٸ باعىتتارى, مەملەكەتتٸك قولداۋ تەتٸكتەرٸ جەنە ٶڭٸرلەردەگٸ كوممۋنالدىق ينفراقۇرىلىمدى جاڭعىرتۋ ٷشٸن قارجىلاندىرۋ قۇرالدارى ۇسىنىلدى.
قر ۇلتتىق ەكونوميكا مينيسترلٸگٸ تابيعي مونوپولييالاردى رەتتەۋ كوميتەتٸ تٶراعاسىنىڭ ورىنباسارى نۇرلان بولاتباەۆ, ٶنەركەسٸپ جەنە قۇرىلىس مينيسترلٸگٸنٸڭ, "بەيتەرەك "ۇبح" اق-نىڭ, "تكش قازورتالىعى" اق-نىڭ ٶكٸلدەرٸ جەنە باسقا دا قاتىسۋشىلار بايانداما جاسادى.
ەكسج شەڭبەرٸندە اقتٶبە وبلىسىندا 2025-2029 جىلدارعا جالپى سوماسى 18,5 ملرد تەڭگەگە ينۆەستيتسييالار جوسپارلانعان. قاراجات وبلىستىڭ تٷرلٸ ەلدٸ مەكەندەرٸندە جىلۋمەن جابدىقتاۋ, سۋمەن جابدىقتاۋ جەنە سۋ بۇرۋ جٷيەلەرٸن جاڭعىرتۋعا باعىتتالاتىن بولادى.
نەگٸزگٸ جوبالار:
- "Aqtobe su-energy group" اق — 5,2 كم جىلۋ جەلٸلەرٸن, 2,4 كم سۋ قۇبىرلارى مەن 11,5 كم كەرٸز جەلٸلەرٸن كٷردەلٸ جٶندەۋ, 7 ۇڭعىمانى بۇرعىلاۋ, 1 كنس قايتا قۇرۋ.
- "العا جىلۋ" كمك (العا ق.) — №2 كسس قۇرىلىسى, 2,4 كم جاڭا كەرٸز جەلٸلەرٸن سالۋ جەنە 10,9 كم قولدانىستاعى كەرٸز جەلٸلەرٸن قايتا جاڭارتۋ, 2026 جىلى — 0,3 كم جىلۋ جەلٸلەرٸ.
- "ۇلى بورسىق" كمك — 2 كم جىلۋ جەلٸلەرٸ مەن 4 كم كەرٸز جەلٸلەرٸن قايتا جاڭارتۋ.
- اقتٶبە وبلىسىندا ينجەنەرلٸك ينفراقۇرىلىمدى جاڭعىرتۋعا جەنە تكش ەنەرگييا تيٸمدٸلٸگٸن ارتتىرۋعا 2026 جىلى ينۆەستيتسييانىڭ جالپى كٶلەمٸ شامامەن 1,2 ملرد تەڭگەنٸ قۇرايدى.
- باتىس قازاقستان وبلىسىندا 2025-2026 جىلدارعا "ەكسج" ۇلتتىق جوباسى بويىنشا 25,1 ملرد تەڭگە ينۆەستيتسييا سالۋ جوسپارلانۋدا.
- "جايىقتەپلوەنەرگو" اق — 7,5 كم جىلۋ جەلٸلەرٸن قايتا جاڭارتۋ.
- "باتىس سۋ ارناسى" جشس - 6 كم سۋ قۇبىرى جەنە 10 كم كەرٸز.
- "بق اەك" جشس-ەلەكتر جەلٸلەرٸن جاڭعىرتۋ, سەنٸمدٸلٸكتٸ ارتتىرۋ, اۆتوماتتاندىرۋ جٷيەلەرٸن ەنگٸزۋ.
باتىس ٶڭٸرلەردە «ەكسج» ۇلتتىق جوباسىن ٸسكە اسىرۋ تۇراقتى جەنە زاماناۋي كوممۋنالدىق ينفراقۇرىلىمدى قۇرۋعا, ازاماتتاردىڭ ٶمٸر سٷرۋ ساپاسىن ارتتىرۋعا جەنە ٶڭٸردٸڭ ەنەرگەتيكالىق قاۋٸپسٸزدٸگٸن قامتاماسىز ەتۋگە باعىتتالعان.
