Keshe Prezident Qasym-Jomart Toqaev respýblikalyq shtab otyrysynda eldegi tótenshe jaǵdai rejiminiń sáýir aiynyń aiaǵyna deiin sozylǵanyn aityp, soǵan orai óńirlerge birqatar tiisti tapsyrmalar bergen edi. Osyǵan bailanysty Almaty oblysynyń ákimi Amandyq Batalov búgin jiyn ótkizip, tapsyrmalardy oryndaýdaǵy mindettilikterdi talqylady.
Aldymen oblys ákimi óz orynbasarlaryna sóz berdi. Olardyń árqaisysy ózi jetekshilik etetin salalar boiynsha qysqasha baiandady. Máselen, birinshi orynbasary L. Turlashov Almaty oblysy taýly óńir bolǵandyqtan, oǵan qosa aldaǵy kúnderdiń jaýyn-shashyndy bolady degen boljamyna qarai sý tasqynynyń aldyn alý sharalaryn baqylaýda ustaý, «Jumyspen qamtý jol kartasy» boiynsha júrgiziletin qurylys jumystarynyń daiyndyǵy, bólingen qarjyny igerý máseleleri týraly aitty.
Óz kezeginde oblys ákiminiń orynbasary S. Beskempirov kóktemgi egis jumystaryna beriletin nesielerdi alýǵa qujattar daiyndaý, qant qyzylshasy tuqymyn aýdan, qalalardyń alý belsendiligi jaily tilge tiek etti.
Máselen, Aqsý, Sarqan aýdandary, Qapshaǵai qalasynyń sharýa qojalyqtary daiyn tuqymdy alýǵa áli asyǵar emes. Bul rette oblys ákimi atalǵan aýdan, qalalardyń ákimderinen jaýap alyp, biylǵy jyly óńirde sebiledi dep josparlanǵan 16 myń gektardyń 1 gektary da kem sebilmeýi kerektigin ákimderge qatań eskertti.
Oblys ákiminiń orynbasary S. Turdaliev azyq-túlik qaýipsizdigin qamtamasyz etý men baǵany turaqtandyrý maqsatynda atqarylyp jatqan isterge toqtaldy.
Qazirgi kezde baǵany turaqtandyrý úshin kelisimshart jasasatyn saýda salasynyń 29 kásiporyny belgilengen. Sonyń ishinde «Sabyrjan» kompaniiasymen kelisimshart jasalyp úlgergen. Osy oraida Amandyq Batalov aýdan, qala ákimderine:
– Kelisimshartqa otyrǵan saýda úilerine nurotandyqtarmen, qoǵamdyq uiymdarmen birge baryp kórińder, qandai taýarlar bar, assortiment jetkilikti me, qandai baǵamen satylyp jatyr, sonyń bárin baqylap bilip otyrýlaryń kerek. Osyndai arnaiy sharalar qabyldanyp jatqany týraly halyqqa aityp, túsindirip, jetkizińder. Bir aptadan soń azyq-túlik baǵasyn yryqtandyrý týraly maǵan jeke-jeke esep beresińder, – dedi.
Sol siiaqty oblystaǵy shaǵyn jáne orta biznes nysandarynda jumys istegen azamattardy «Jumyspen qamtý jol kartasy» aiasynda jumysqa tartý máselesi de pysyqtaldy.
Almaty oblysy ákiminiń orynbasary B.Baijumanov meditsina mamandaryna ústemaqy men syiaqy berý, olardy qajetti jeke qorǵaný quraldarymen qamtý, karantindegi «Asyl Arman» turǵyn úi kesheniniń jaǵdaiy, balalardy qashyqtan oqytýdyń jai-kúii siiaqty birqatar máselelerdi baiandady.
Oǵan qosa Qarasai aýdanynyń ákimi Jandarbek Dalabaev «Asyl Arman» TK-da oblystyq ákimdiktiń kómegimen 983 otbasyna, aýdan óz tarapynan qosymsha 385 otbasyna kómek kórsetip, qajettiliktermen qamtamasyz etkenin jetkizdi.
Jiyn sońynda oblys ákimi tótenshe jaǵdai rejiminiń sáýir aiynyń sońyna deiin sozylýyna bailanysty barlyq blokposttar qazirgidei kúsheitilgen rejimde jumysyn jalǵastyrýy tiistigin aitty.
– Ásirese Jambyl oblysymen shektesetin aýmaqtarda qatań saqtyq qajet. Indetpen kúres sharalaryna tartylǵan barlyq mamandardyń jeke qorǵaný quraldarymen tolyq kólemde úzdiksiz qamtamasyz etilýi qatań baqylaýǵa alynsyn. Artyq júris-turysty, kóshege shyǵýdy shekteý, dezinfektsiialyq sharalar odan ári jalǵasady. Egis alqaptaryndaǵy kóktemgi jumystar toqtamaidy. «Jumyspen qamtý jol kartasynyń» jobalaryn júzege asyratyn merdiger kompaniialardyń jaýapty, sapaly bolýyna nazar aýdaryp, olardyń jumysyn keste boiynsha qatań baqylaýda ustaýymyz kerek. Eń bastysy – kartaǵa engizilgen jobalardy júzege asyrý, sol arqyly jańa jumys oryndaryn ashý, qarjyny der kezinde igerý. Ár aýdan, qala ákimderi, sala jetekshileriniń Prezident júktegen mindetterdi basshylyqqa alyp jumys isteýin qatań tapsyramyn. –A. Batalov.
Almaty oblysy ákiminiń baspasóz qyzmeti
