QR Densaýlyq týraly kodeksiniń 77-baby boiynsha erikti vaktsinatsiiadan bas tartqan jaǵdaida jumys berýshi qyzmetkerdi jumystan shyǵarýǵa quqyly ma? Konstitýtsiianyń 14-babyna qaramastan, vaktsinadan bas tartýyna bailanysty jumys berýshi qyzmetkerdiń bedelin túsirýge jáne kemsitýge quqyly ma? Ashyq dialog portalynda Serik Shápkenovtiń atyna osyndai suraq túsken bolatyn.
"Halyq densaýlyǵy jáne densaýlyq saqtaý júiesi týraly» QR Kodeksiniń 77-babyna sáikes kez kelgen meditsinalyq rásim, onyń ishinde vaktsinatsiia ekpe alýshynyń kelisimimen ǵana júrgiziledi. QR zańnamasynda vaktsinatsiiadan bas tartqany úshin ákimshilik nemese qylmystyq jaýapkershilik qarastyrylmaǵan", - dep jazylǵan ministrdiń jaýabynda.
Vedomstvo basshysy saýal iesine Qazaqstan aýmaǵyna infektsiialyq jáne parazittik aýrýlardyń ákelinýi jáne Qazaqstan Respýblikasynyń búkil aýmaǵyna taralý qaýpi tóngen jaǵdaida densaýlyq kodeksiniń 104-babynyń 1-tarmaǵy boiynsha QR Bas memlekettik sanitariia dárigeri Eýraziia ekonomikalyq odaǵynyń kedendik shekarasymen tuspa-tus keletin QR Memlekettik shekarasy arqyly ótkizý pýnktilerinde shekteý sharalaryn, onyń ishinde karantin engizetinin eskertken. Sondai-aq, Qazaqstan Respýblikasynyń búkil aýmaǵynda kásipkerlik jáne ózge de qyzmet nysandary, halyqtyń ómir súrý qalyby erekshe erejelerge baǵyndyrylatyny aitylǵan.
"Osyǵan bailanysty, Qazaqstan Respýblikasynyń Bas memlekettik sanitar dárigeri tiisti qaýlylar qabyldaidy. Bas memlekettik sanitar dárigerdiń №67 qaýlysynda kórsetilgen uiymdardyń/obektilerdiń COVID-19-ǵa qarsy vaktsina almaǵan (turaqty meditsinalyq qarsy kórsetilimderi bar jáne sońǵy 3 ai ishinde COVID-19-men aýyryp jazylǵan adamdardy qospaǵanda) qyzmetkerler úshin kúndizgi rejimde jumysqa jiberilýine shekteý engizildi", - deidi Serik Shápkenov.
Atalǵan qaýlynyń 6-1-tarmaǵynyń 1) tarmaqshasynda kórsetilgen uiymdardyń vaktsina almaǵan qyzmetkerleri 7 kúnde bir ret PTR-tes tapsyryp turýǵa mindettelgen. Osyǵan bailanysty, jumys berýshi:
a) COVID-19-ǵa qarsy vaktsinatsiialaýdy almaǵan jumyskerge qashyqtyqtan jumys nysanyna kóshýdi usynýǵa (mundai múmkindik bolǵan jaǵdaida) quqyly;
b) Qazaqstan Respýblikasy Eńbek kodeksiniń 48-babynyń 1-tarmaǵyna sáikes qashyqtan jumys isteýden bas tartqan ne jumysty oryndaý múmkindigi bolmaǵan kezde jalaqysy saqtalmai shettetiledi. Bul rette, jumys berýshi ýaqytsha bolmaǵan qyzmetkerdiń mindetterin oryndaý úshin basqa qyzmetkerdi qabyldaýǵa quqyly bolady.
c) jumysty qashyqtan oryndaý múmkindigi bolmaǵan jaǵdaida jáne qyzmetker jumysty kúndizgi rejimde júzege asyrýǵa tilek bildirse, qyzmetker óz esebinen mindetti PTR-testileýden (7 kúnde 1 ret) ótýi qajet. Sonymen birge, taraptardyń kelisimi boiynsha mindetti PTR-testileý (7 kúnde 1 ret) jumys berýshiniń qarajaty esebinen júzege asyrylýy múmkin.
"Osylaisha, jumys berýshi vaktsinatsiiadan bas tartýǵa bailanysty qyzmetkerdi jumystan shyǵarýǵa quqyly emes. Sonymen qatar, qyzmetkerler ózderiniń eńbek quqyqtaryn qorǵaý úshin jumys berýshiniń ornalasqan jeri boiynsha tiisti ákimshilik-aýmaqtyq birliktiń eńbek inspektsiiasy jónindegi basqarmasyna ótinish jasaýǵa quqyly", - dep jazylǵan resmi jaýapta.
https://dalanews.kz/news/64881-masimov-langkestikting-zholyn-kesude-at
