ق ر دەنساۋلىق تۋرالى كودەكسىنىڭ 77-بابى بويىنشا ەرىكتى ۆاكسيناسيادان باس تارتقان جاعدايدا جۇمىس بەرۋشى قىزمەتكەردى جۇمىستان شىعارۋعا قۇقىلى ما؟ كونستيتۋسيانىڭ 14-بابىنا قاراماستان، ۆاكسينادان باس تارتۋىنا بايلانىستى جۇمىس بەرۋشى قىزمەتكەردىڭ بەدەلىن تۇسىرۋگە جانە كەمسىتۋگە قۇقىلى ما؟ اشىق ديالوگ پورتالىندا سەرىك شاپكەنوۆتىڭ اتىنا وسىنداي سۇراق تۇسكەن بولاتىن.
"حالىق دەنساۋلىعى جانە دەنساۋلىق ساقتاۋ جۇيەسى تۋرالى» ق ر كودەكسىنىڭ 77-بابىنا سايكەس كەز كەلگەن مەديسينالىق ءراسىم، ونىڭ ىشىندە ۆاكسيناسيا ەكپە الۋشىنىڭ كەلىسىمىمەن عانا جۇرگىزىلەدى. ق ر زاڭناماسىندا ۆاكسيناسيادان باس تارتقانى ءۇشىن اكىمشىلىك نەمەسە قىلمىستىق جاۋاپكەرشىلىك قاراستىرىلماعان"، - دەپ جازىلعان ءمينيستردىڭ جاۋابىندا.
ۆەدومستۆو باسشىسى ساۋال يەسىنە قازاقستان اۋماعىنا ينفەكسيالىق جانە پارازيتتىك اۋرۋلاردىڭ اكەلىنۋى جانە قازاقستان رەسپۋبليكاسىنىڭ بۇكىل اۋماعىنا تارالۋ ءقاۋپى تونگەن جاعدايدا دەنساۋلىق كودەكسىنىڭ 104-بابىنىڭ 1-تارماعى بويىنشا ق ر باس مەملەكەتتىك سانيتاريا دارىگەرى ەۋرازيا ەكونوميكالىق وداعىنىڭ كەدەندىك شەكاراسىمەن تۇسپا-تۇس كەلەتىن ق ر مەملەكەتتىك شەكاراسى ارقىلى وتكىزۋ پۋنكتىلەرىندە شەكتەۋ شارالارىن، ونىڭ ىشىندە كارانتين ەنگىزەتىنىن ەسكەرتكەن. سونداي-اق، قازاقستان رەسپۋبليكاسىنىڭ بۇكىل اۋماعىندا كاسىپكەرلىك جانە وزگە دە قىزمەت نىساندارى، حالىقتىڭ ءومىر ءسۇرۋ قالىبى ەرەكشە ەرەجەلەرگە باعىندىرىلاتىنى ايتىلعان.
"وسىعان بايلانىستى، قازاقستان رەسپۋبليكاسىنىڭ باس مەملەكەتتىك سانيتار دارىگەرى ءتيىستى قاۋلىلار قابىلدايدى. باس مەملەكەتتىك سانيتار دارىگەردىڭ №67 قاۋلىسىندا كورسەتىلگەن ۇيىمداردىڭ/وبەكتىلەردىڭ COVID-19-عا قارسى ۆاكسينا الماعان (تۇراقتى مەديسينالىق قارسى كورسەتىلىمدەرى بار جانە سوڭعى 3 اي ىشىندە COVID-19-مەن اۋىرىپ جازىلعان ادامداردى قوسپاعاندا) قىزمەتكەرلەر ءۇشىن كۇندىزگى رەجيمدە جۇمىسقا جىبەرىلۋىنە شەكتەۋ ەنگىزىلدى"، - دەيدى سەرىك شاپكەنوۆ.
اتالعان قاۋلىنىڭ 6-1-تارماعىنىڭ 1) تارماقشاسىندا كورسەتىلگەن ۇيىمداردىڭ ۆاكسينا الماعان قىزمەتكەرلەرى 7 كۇندە ءبىر رەت پتر-تەس تاپسىرىپ تۇرۋعا مىندەتتەلگەن. وسىعان بايلانىستى، جۇمىس بەرۋشى:
ا) COVID-19-عا قارسى ۆاكسيناسيالاۋدى الماعان جۇمىسكەرگە قاشىقتىقتان جۇمىس نىسانىنا كوشۋدى ۇسىنۋعا (مۇنداي مۇمكىندىك بولعان جاعدايدا) قۇقىلى؛
b) قازاقستان رەسپۋبليكاسى ەڭبەك كودەكسىنىڭ 48-بابىنىڭ 1-تارماعىنا سايكەس قاشىقتان جۇمىس ىستەۋدەن باس تارتقان نە جۇمىستى ورىنداۋ مۇمكىندىگى بولماعان كەزدە جالاقىسى ساقتالماي شەتتەتىلەدى. بۇل رەتتە، جۇمىس بەرۋشى ۋاقىتشا بولماعان قىزمەتكەردىڭ مىندەتتەرىن ورىنداۋ ءۇشىن باسقا قىزمەتكەردى قابىلداۋعا قۇقىلى بولادى.
c) جۇمىستى قاشىقتان ورىنداۋ مۇمكىندىگى بولماعان جاعدايدا جانە قىزمەتكەر جۇمىستى كۇندىزگى رەجيمدە جۇزەگە اسىرۋعا تىلەك بىلدىرسە، قىزمەتكەر ءوز ەسەبىنەن مىندەتتى پتر-تەستىلەۋدەن (7 كۇندە 1 رەت) ءوتۋى قاجەت. سونىمەن بىرگە، تاراپتاردىڭ كەلىسىمى بويىنشا مىندەتتى پتر-تەستىلەۋ (7 كۇندە 1 رەت) جۇمىس بەرۋشىنىڭ قاراجاتى ەسەبىنەن جۇزەگە اسىرىلۋى مۇمكىن.
"وسىلايشا، جۇمىس بەرۋشى ۆاكسيناسيادان باس تارتۋعا بايلانىستى قىزمەتكەردى جۇمىستان شىعارۋعا قۇقىلى ەمەس. سونىمەن قاتار، قىزمەتكەرلەر وزدەرىنىڭ ەڭبەك قۇقىقتارىن قورعاۋ ءۇشىن جۇمىس بەرۋشىنىڭ ورنالاسقان جەرى بويىنشا ءتيىستى اكىمشىلىك-اۋماقتىق بىرلىكتىڭ ەڭبەك ينسپەكسياسى جونىندەگى باسقارماسىنا ءوتىنىش جاساۋعا قۇقىلى"، - دەپ جازىلعان رەسمي جاۋاپتا.
https://dalanews.kz/news/64881-masimov-langkestikting-zholyn-kesude-at
