Olar 14 kúndik karantındi úıinde de ótkere alady. Bul týraly bas sanıtar dáriger Aıjan Esmaǵambetova aıtty.
"Naýqaspen jaqyn baılanysta bolǵan adamdarǵa qatysty amal-áreketti ózgerttik. Budan buryn indet juqtyrǵan naýqaspen jaqyn baılanysta bolǵandardy karantındi stasıonarǵa aparatynbyz. Budan bas tarttyq.
Naýqaspen qarym-qatynasta bolǵan azamatty mindetti túrde tekserýden ótkizip, 14 kúndik karantındi úıinde ótkerýge keńes beremiz. Olar karantındi saqtap, ári eki apta aralyǵynda úıinde otyraryn aıtyp, qolhat qaldyrady", – deıdi Esmaǵambetova.
Onyń atap ótkenindeı naýqaspen jaqyn baılanysqa túsken jáne aýyrǵan adammen baılanysta bolýy múmkin degen eki kategorıa bar.
Jaqyn baılanys deńgeıi: naýqastyń janynda 15 mınýt boıy nemese odan da kóp ýaqyt jáne 1,5 metr araqashyqtyqta bolýmen ólshenedi.
Al naýqaspen 15 mınýttan artyq bir bólmede otyrsa da, tikeleı qarym-qatynasqa túspegen azamattar úshin karantındi úıinde ótkerýdiń qajeti joq.
"Álbette olardy da tekserýden ótkizemiz. Biraq mundaı azamattar úshin 14 kúndik karantın mindetti emes. Syrqat belgileri baıqalǵan jaǵdaıda bizge habar beretini týraly qolhat qaldyrady, burynǵydaı úı karantıninde otyrmaıdy, emin - erkin júrip tura alady", – deıdi bas sanıtar.
