Onyń aıtýynsha, qaldyq sý káriz júıesinen emes, kól mańyndaǵy saýyqtyrý kesheniniń baseınderinen aqqan.
«Kól mańynda ornalasqan saýyqtyrý kesheninde 2 baseın bar. Onda Alakóldiń shıpaly sýyn toltyrady. Sáıkesinshe, sýdy jańartyp otyrady. Maǵan arnaıy vıdeo kelip tústi, onda 2 baseınniń 2 qubyry anyq kórsetilgen. Iaǵnı tereń sý sorǵylary kóldiń sýyn alady jáne eskirgen sýdy qaıtadan kólge quıady. Bul - kárizdiń qaldyǵy emes», - dep túsindirdi J. Bekshın Ortalyq komýnıkasıalar ortalyǵynda tilshilerge bergen suhbatynda.
Sondaı-aq, bas sanıtar baseın sýyn qalalyq káriz júıesine tógýge bolmaıtynyn aıtty.
«Baseındegi aýqymdy sý kólemin káriz júıesine aǵyzar bolsa, sý tasyp-tógiler edi. Baseın sýyn tereńge jibergendikten, tunba kóterilip, laı paıda bolǵan. Aýmaqtyq tabıǵatty qorǵaý departamentteri demalys oryndaryna sýdy qaıtadan kólge tógýge, jańartýǵa ruqsat bergen. Odan esh qaýip joq», - dedi Jandarbek Bekshın.
Esterińizge sala keteıik, Alakólge belgisiz laı sý qubyr arqyly tógilip jatqanyn týrıser habarlaǵan bolatyn.
Beınejazbadaǵy málimetke sáıkes, kólge tógilip jatqan sýdyń jaǵymsyz ıisi bar. Artynsha Alakól aýdanynyń ákimdigi bul máselege oraı arnaıy komısıa qurylǵanyn jetkizdi.
Derekkóz: QazAqparat
[video width="400" height="220" mp4="https://dalanews.kz/wp-content/uploads/2019/08/68590660_692153417922098_3992747330896920576_n.mp4"][/video]
