Bas prokýratýranyń Quqyqtyq statistika jáne arnaiy esepke alý jónindegi komitetinde jol qaýipsizdigi máseleleri boiynsha vedomstvoaralyq jumys tobynyń kezekti otyrysy ótti, dep habarlaidy Dalanews.kz.
A.j. 28 mamyrda Ishki ister, Ádilet, Oqý-aǵartý, Tsifrlyq damý, innovatsiialar jáne aeroǵarysh ónerkásibi ministrlikteriniń, Sot ákimshiligi, «Azamattarǵa arnalǵan úkimet» Memlekettik korporatsiiasy» KEAQ, Jeke sot oryndaýshylarynyń respýblikalyq palatasy, júrgizýshilerdi daiarlaý jónindegi kásiptik birlestikter konsortsiýmy basshylyqtary men jaýapty qyzmetkerleriniń qatysýymen jol qozǵalysy qaýipsizdigin qamtamasyz etý jónindegi vedomstvoaralyq jumys tobynyń kezekti otyrysy ótti.
Is-sharany asha otyryp, Komitet tóraǵasy Sábit Nurlybai bul otyrys Qazaqstan Respýblikasy Zańdylyqty, tártipti jáne qylmysqa qarsy kúresti qamtamasyz etý jónindegi Úilestirý keńesiniń 2023 jylǵy 28 qyrkúiektegi sheshimin iske asyrý aiasynda ótkizilip jatqanyn eske saldy.
Otyrys sheńberinde memlekettik qyzmetterdi kórsetý, quqyq qorǵaý organdarynyń qyzmetin tsifrlandyrý, sondai-aq kólik quralyn basqarý quqyǵynan aiyrý túrindegi qoldanylǵan ákimshilik jazalar týraly aqparattyń durystyǵy, «Jol júrisi týraly» Zańnyń 13-babyna sáikes balalarǵa jol júrý erejelerin oqytý boiynsha úlgilik bilim berý baǵdarlamasyn engizý máseleleri talqylandy.Sonymen qatar, talqylaýdy eskere otyryp, memlekettik qyzmetterdi sapaly kórsetý maqsatynda Joǵarǵy Sot pen Ishki ister ministrliginiń aqparattyq júielerin jetildirý usynyldy.
Bas prokýratýranyń Quqyqtyq statistika jáne arnaiy esepke alý jónindegi komiteti
