«Biz bolǵan jaıttan keıin dereý jýrnalıserden qan kerek ekenin habarlaýdy ótindik. Nege ekenin qaıdam, bul týraly eshkim efırden aıtqan joq. Anam hal ústinde jatyr, uıqydan turmady. Dárigerler ázirge eshqandaı boljam aıtpaı otyr», - deıdi Aqmaral Ahmanova.
Maıra Rysmanovaǵa qan tapsyrǵysy keletinder Kereı jáne Jánibek handar kóshesi, 10 mekenjaıynda ornalasqan Astana qalasynyń Qan ortalyǵyna júginýi kerek. Ózimen birge jeke kýáligin alyp barsa jetkilikti.
Esterińizge salaıyq, oqys oqıǵa 6 jeltoqsan kúni №2 baqylaý-ótkizý pýnktiniń janynda boldy. Ashynǵan áıel ózin-ózi órtep jiberdi.
