Qazaqstandyq zańger, Ulttyq quryltaı múshesi Aıman Omarova balalar arasyndaǵy sýısıd máselesin kóterip, Prezıdent Qasym-Jomart Toqaevqa úndeý joldady, dep habarlaıdy Dalanews.kz.
Ol sońǵy ýaqytta beleń alyp jatqan qaıǵyly oqıǵalarǵa beı-jaı qaramaýǵa shaqyrdy.
"Sizdiń nazaryńyzdy, ásirese balalar arasyndaǵy sýısıd derekterin tergeýge aýdarǵym keledi. Qylmystyq ister negizinen "Ózin-ózi óltirýge deıin jetkizý" baby boıynsha tirkeledi. Keıinnen naqty sebepter anyqtalmaǵandyqtan, qylmystyq ister toqtatylady. Sondyqtan Bas prokýratýraǵa Qylmystyq kodekstiń 105-baby "Ózin-ózi óltirýge deıin jetkizý" boıynsha tirkelgen barlyq qylmystyq isterdi zerdeleýdi tapsyrýyńyzdy suraımyn, óıtkeni qandaı da bir shara qoldaný qajet", - dedi Aıman Omarova.
