قازاقستاندىق زاڭگەر، ۇلتتىق قۇرىلتاي مۇشەسى ايمان وماروۆا بالالار اراسىنداعى سۋيسيد ماسەلەسىن كوتەرىپ، پرەزيدەنت قاسىم-جومارت توقايەۆقا ۇندەۋ جولدادى، دەپ حابارلايدى Dalanews.kz.
ول سوڭعى ۋاقىتتا بەلەڭ الىپ جاتقان قايعىلى وقيعالارعا بەي-جاي قاراماۋعا شاقىردى.
"ءسىزدىڭ نازارىڭىزدى، اسىرەسە بالالار اراسىنداعى سۋيسيد دەرەكتەرىن تەرگەۋگە اۋدارعىم كەلەدى. قىلمىستىق ىستەر نەگىزىنەن "ءوزىن-وزى ولتىرۋگە دەيىن جەتكىزۋ" بابى بويىنشا تىركەلەدى. كەيىننەن ناقتى سەبەپتەر انىقتالماعاندىقتان، قىلمىستىق ىستەر توقتاتىلادى. سوندىقتان باس پروكۋراتۋراعا قىلمىستىق كودەكستىڭ 105-بابى "ءوزiءن-وزi ءولتiرۋگە دەيiن جەتكiزۋ" بويىنشا تىركەلگەن بارلىق قىلمىستىق ىستەردى زەردەلەۋدى تاپسىرۋىڭىزدى سۇرايمىن، ويتكەنى قانداي دا ءبىر شارا قولدانۋ قاجەت"، - دەدى ايمان وماروۆا.
