Bul týraly QR Bas prokýratýranyń baspasóz qyzmeti habarlap, arnaiy video taratty.
“QR Bas prokýratýrasy “Qazaqstannyń demokratiialyq tańdaýy” atty tirkelmegen qozǵalystyń zańsyz qyzmetin anyqtady.
Ony Qazaqstanda 20 jylǵa bas bostandyǵynan aiyrý týraly úkim shyqqan Muhtar Ábliazov qurǵan.
Ábliazov sotpen qylmystyq qoǵamdastyqty qurǵany, 7,5 mlrd AQSh dollaryn urlap, shetelge shyǵarǵany úshin kináli bolyp tanylǵan. Qylmystyq tabystardy zańdastyrý faktileri boiynsha birqatar eýropalyq elderde Ábliazovqa qatysty tergeý júrgizilýde. Ulybritaniiada London qalasynyń Joǵarǵy sotynyń sheshimimen Ábliazov pen onyń sybailastarynan 4 mlrd AQSh dollary óndirilgen”, — dedi QR Bas prokýratýranyń resmi ókili Oksana Loskýtova.
Onyń aitýynsha, eks-bankirdiń ashqan uiymynyń áreketteri saiasi ekstremizm retinde tanylyp, eldiń qaýipsizdigine qarsy áreket bolyp sanalady. Ol interenet jeliler, mesendjerler, sondai-aq ártúrli áleýmettik toptarǵa paraqshalar taratý arqyly Qazaqstan azamattaryn qozǵalysqa qosylýǵa shaqyrady.
Sonymen qosa, qazirgi biliktiń jaǵymsyz beinesin qurastyrady.
“Osylaisha, josparly túrde áleýmettik arazdyq pen alaýyzdyqty qozdyrýda. Narazylyq aktsiialardyń beibitshiligi týraly aitsa da, qozǵalys basshysy Muhtar Ábliazov pen onyń belsendileriniń qylmystyq maqsaty — bilikti qulatyp, basyp alý bolyp tabylady. Bul áreketter «Ekstremizmge qarsy is-qimyl týraly» zań boiynsha saiasi ekstremizm bolyp sanalady jáne memlekettiń qaýipsizdigine qarsy qylmys retinde qýdalanady”, — delingen bas prokýratýranyń málimdemesinde.
Osyǵan bailanysty Bas prokýratýra “Prokýratýra týraly” zańda kózdelgen ókilettikterin iske asyryp, sotqa qozǵalysty ekstremistik uiym dep taný týraly aryzben júgingen.
“2018 jylǵy 13-naýryzda Astana qalasynyń Esil aýdandyq sotynyń sheshimimen atalǵan aryz tolyq kólemde qanaǵattandyryldy.
Sotpen qozǵalystyń áreketi ekstremistik dep tanylyp, oǵan Qazaqstan Respýblikasynyń barlyq aýmaǵynda tyiym salyndy. Sonymen qatar, bul uiymnyń áreketin aqparattyq materialdar, buqaralyq aqparat quraldary, telekommýnikatsiia, áleýmettik jelileri, messendjerler jáne beine-hostingter arqyly taratýǵa tyiym salyndy.
Budan basqa, áleýmettik alaýyzdyqty qozdyrý, bilikti basyp alýdy nasihattaý jáne oǵan jariia túrde shaqyrý faktileri boiynsha ulttyq qaýipsizdik jáne ishki ister organdarymen sotqa deiingi tergep-tekserýler júrgizilýde”, — dedi Loskýtova.
Qurmetti azamattar, Bas prokýratýra sot sheshiminen keiin “Qazaqstannyń demokratiialyq tańdaýy” ekstremistik uiymynyń áreketine kez kelgen qatysqany jáne qarjylandyrǵany úshin Qylmystyq kodekstiń 182, 258 jáne 405-baptaryna sáikes qylmystyq jaýapkershilik kózdelgenin túsindiredi. “Qatysý” áreketine qozǵalystyń ideiasyn úgitteý jáne nasihattaý, onyń jariialanymdaryn, paraqshalaryn, posttaryn, pikirlerin jáne basqa da aqparattyq materialdaryn daiyndaý, shyǵarý, kóbeitý jáne taratý jatady. Sonymen qatar, “qatysý” bolyp qozǵalysty jáne onyń basshysy Ábliazovti qoldaýda mitingilerdi, sherýlerdi, jariia aktsiialaryn jáne basqa jappai is-sharalardy uiymdastyrý jáne ótkizý sanalady.
“Qarjylandyrý” uǵymyna Ábiliazov pen qozǵalysqa aqshany, ózge de múlikti berý nemese jinaý, syiǵa tartý, aiyrbastaý, qaiyrmaldyq jasaý, sponsorlyq jáne qaiyrymdylyq kómek, aqparattyq jáne ózge de qyzmet túrlerin kórsetý jatady. Sonymen qatar, istegi zańnamaǵa sáikes, ekstremistik toptyń áreketine qatysýdy óz erkimen toqtatqan adam qylmystyq jaýaptan bosatylady”, — delingen málimdemede.
https://youtu.be/tRjfr6lMwF8
