Álemdegi eń iri táýelsiz munai treiderleriniń biri sanalatyn Vitol Group kompaniiasynyń basshysy Rassel Hardi Iranmen jalǵasyp jatqan teketirestiń saldarynan Batys elderiniń erkin munai qory tolyq taýsylǵanyn málimdedi, dep habarlaidy dalanews.kz.
Bloomberg agenttigine bergen suhbatynda ol qys mezgili qarsańynda qalyptasqan jaǵdaidyń kúrdeli ekenin atap ótti.
«Batysta satýǵa bolatyn munai qory qalǵan joq. Biz qolda bolǵan barlyq qordy paidalanyp qoidyq. Munai ónimderi naryǵyndaǵy jaǵdai áli de óte kúrdeli kúide qalyp otyr jáne qys jaqyndaǵan saiyn bul ahýal biraz ýaqytqa deiin saqtalýy múmkin», – dedi Rassel Hardi.
Qoljetimdi qor 10 paiyzǵa da jetpeidi
Naryqtaǵy qiyn jaǵdaidy basqa da iri oiynshylar rastap otyr. Saudi Aramco memlekettik munai kompaniiasynyń bas direktorynyń aitýynsha, álemdegi jalpy munai qory shamamen 6 milliard barrel bolǵanymen, onyń 10 paiyzynan azy ǵana tutynýshylar úshin naqty qoljetimdi.
Mundai jaǵdaiǵa logistikalyq shekteýler men infraqurylymdyq máseleler sebep bolyp otyrǵany aityldy.
Sarapshylar jahandyq tapshylyqty kórsetip otyr
JPMorgan qarjy konglomeratynyń sarapshylary jariialaǵan taldaý materialdarynda da kómirsýtek qorlarynyń álem boiynsha kúrt azaiǵany kórsetilgen. Sarapshylardyń málimetinshe, munai men gaz qorynyń qysqarýy AQSh pen Iran arasyndaǵy áskeri shielenis kúsheigen kezeńnen keiin údei túsken.
Sarapshylar álemdik naryqtaǵy usynystyń azaiýy men suranystyń joǵary deńgeide saqtalýy aldaǵy ailarda munai baǵasyna qosymsha qysym túsirýi múmkin ekenin aitady.
