Depýtattyń aıtýynsha, ol bul sózdi aıtqanda óńirlerde jaǵdaı jasaý týraly, ıaǵnı, aýyldan keletin jastarǵa qala jastarymen birdeı jaǵdaı jasaý jaıly oıdy jetkizgisi kelgen.
"Tyıym saldy degen sóz - bas dese, qulaq deý. Men tyıym salý kerek (qalaǵa aýyl jastarynyń kelýine - avtor.) dep aıtqanym joq, bul ár adamnyń konstıtýsıalyq quqyǵy. Mádenıet máselelerin sheshý, jaqsy aqsha beretin jumys taýyp berý, jaqsy ınfraqurylym jasaý"
- dedi Bojko.
Sondaı-aq, ol "Nurly jer" baǵdarlamasyna bólingen qarajattyń bir bóligin aýyldarda turǵyn úı jaǵdaılaryn jasaýǵa baǵyttalýy jaıly aıtqanyn túsindirdi. Depýtattyń aıtýynsha, ol osy kúnge deıin Internette ózine qatysty aıtylǵan túrli til tıgizetin sózderdi oqyǵan.
"Bireýler tipti dóreki sózder jazyp, muny shovınızm dep aıyptap jatty. Menińshe, ol adamdar ózderin tanymal etý maqsatynda meniń sotqa deıin barǵanymdy qalaıdy. Al men sotqa aryzdanbaımyn, men olardyń bul ádisin bilemin. Qazirgi ýaqytta aqparattandyrý týraly zańdy qarap jatyrmyz. Meniń oıymsha, dóreki pikirler jazatyn jáne Internette ózderin qalaı bolsa solaı ustaıtyn azamattarǵa osy áreketine jol bermeıtin ýaqyt kelip qaldy", - dedi Vladımır Bojko.
Eske sala keteıik, osyǵan deıin Depýtat "Abý-Dabı Plazada" bolǵan tóbelesten keıin aýyldan keletin jastarǵa qatysty pikir bildirgen bolatyn.
Aıtýynsha, Astanada bolǵan tóbelesten keıin áleýmettik jelilerde aýyldardan kelgen jastardyń arandatýshylyq mándegi sózderi taralyp jatyr.
"Sondaı-aq, áleýmettik jelilerde oıdan shyǵarylǵan jáne shyndyqqa janaspaıtyn arandatýshylyq mándegi málimetter taralyp jatyr. Ondaı pikirlerdiń basym bóligi aýyldardan kelgen jastardan, ózderine laıyqty aqsha beretin jumys tabýǵa qınalyp júrgen jastardan kelip jatyr", - degen edi depýtat.
