Sotta Saltanat Núkenova men Qýandyq Bishimbaevtyń hattary oqyldy, - dep habarlaidy Dalanews.kz.
Sotta 2023 jyldyń 15 shildesindegi áńgimeler oqyldy. Bishimbaev bul hattardy skrindep alǵan.
Saltanat: Jaqsy, bizge birge bolýdy jazbaǵan eken, qosh bol. Renjimeimin, biraq endi jaqsy kórmeimin. Júregimniń jartysyn julyp, delete jasaimyn. Moraldyq jarymjan neme
Saltanat: Qazir esikti syndyramyn, tutqany kóter.
Saltanat: Men úshin kóp nárse istediń. Kiimderim men áshekeilerimdi jinap, bárin sen bergenińdi túsinip otyrmyn. Bári úshin raqmet. Bári osylai aiaqtalǵany ókinishti, bir-birimizdi baǵalai almadyq.
Bishimbaev: meni de keshir, bári jaqsy. Bári jaqsy bolady. Bir-birimizge degen qurmetti, dostyqty joǵaltpaiyq.
Saltanat: Biz kezdesken kezde mende eshteńe joq edi.
Saltanat: Úide jaqsy, janym jai tapty.
Bishimbaevtan aýdioqońyraý.
Saltanat: Sen Almatyda bolǵan kezde osy jerde bola turaiyn. Qarsy emessiń dep oilaimyn. Osy ýaqytta keliskenimizdei oilanyp, durys sheshim qabyldaiyq. Bir apta aiǵai-shýsyz demalyp, tynyshtalǵym keledi.
Bishimbaev: Jaqsy
Eske salaiyq, 27 naýryzda eks-ministr Qýandyq Bishimbaevtyń isi boiynsha alqabiler tańdalǵan edi. Alqabiler alqasyna 12 adam irikteldi: 10 – negizgi quram, 2 – qosalqy. Sodan keiin ashyq sot otyrystary bastaldy.
Sonymen qatar, Qýandyq Bishimbaev sotta Saltanat Núkenovany asa qatygezdikpen óltirgenin moiyndamady. Bul oqiǵa 2023 jyly 9 qarashada Astana qalasyndaǵy BAU meiramhanasynda boldy.
Bishimbaevqa eki bap boiynsha aiyp taǵyldy: asa qatygezdikpen kisi óltirý (15 jyldan 20 jylǵa deiin nemese ómir boiyna bas bostandyǵynan aiyrý); qinaý (4 jyldan 7 jylǵa deiin bas bostandyǵyn shekteý nemese osy merzimge bas bostandyǵynan aiyrý).
Sondai-aq onyń týysy Baqytjan Baijanov ta kúdikti retinde qamaýǵa alyndy. Oǵan qylmystyq kodekstiń eki baby boiynsha aiyp taǵylǵan. Naqtyraq aitsaq, 432-baby (asa aýyr qylmysty jasyryp qalý); 434-baby (asa aýyr qylmysty habarlamaý).
