سوتتا سالتانات نۇكەنوۆا مەن قۋاندىق بيشىمبايەۆتىڭ حاتتارى وقىلدى، - دەپ حابارلايدى Dalanews.kz.
سوتتا 2023 جىلدىڭ 15 شىلدەسىندەگى اڭگىمەلەر وقىلدى. بيشىمبايەۆ بۇل حاتتاردى سكريندەپ العان.
سالتانات: جاقسى، بىزگە بىرگە بولۋدى جازباعان ەكەن، قوش بول. رەنجىمەيمىن، ءبىراق ەندى جاقسى كورمەيمىن. جۇرەگىمنىڭ جارتىسىن جۇلىپ، delete جاسايمىن. مورالدىق جارىمجان نەمە
سالتانات: ءقازىر ەسىكتى سىندىرامىن، تۇتقانى كوتەر.
سالتانات: مەن ءۇشىن كوپ نارسە ىستەدىڭ. كيىمدەرىم مەن اشەكەيلەرىمدى جيناپ، ءبارىن سەن بەرگەنىڭدى ءتۇسىنىپ وتىرمىن. ءبارى ءۇشىن راقمەت. ءبارى وسىلاي اياقتالعانى وكىنىشتى، ءبىر-بىرىمىزدى باعالاي المادىق.
بيشىمبايەۆ: مەنى دە كەشىر، ءبارى جاقسى. ءبارى جاقسى بولادى. بىر-بىرىمىزگە دەگەن قۇرمەتتى، دوستىقتى جوعالتپايىق.
سالتانات: ءبىز كەزدەسكەن كەزدە مەندە ەشتەڭە جوق ەدى.
سالتانات: ۇيدە جاقسى، جانىم جاي تاپتى.
بيشىمبايەۆتان اۋديوقوڭىراۋ.
سالتانات: سەن الماتىدا بولعان كەزدە وسى جەردە بولا تۇرايىن. قارسى ەمەسسىڭ دەپ ويلايمىن. وسى ۋاقىتتا كەلىسكەنىمىزدەي ويلانىپ، دۇرىس شەشىم قابىلدايىق. ءبىر اپتا ايعاي-شۋسىز دەمالىپ، تىنىشتالعىم كەلەدى.
بيشىمبايەۆ: جاقسى
ەسكە سالايىق، 27 ناۋرىزدا ەكس-مينيستر قۋاندىق بيشىمبايەۆتىڭ ءىسى بويىنشا القابيلەر تاڭدالعان ەدى. القابيلەر القاسىنا 12 ادام ىرىكتەلدى: 10 – نەگىزگى قۇرام، 2 – قوسالقى. سودان كەيىن اشىق سوت وتىرىستارى باستالدى.
سونىمەن قاتار، قۋاندىق بيشىمبايەۆ سوتتا سالتانات نۇكەنوۆانى اسا قاتىگەزدىكپەن ولتىرگەنىن مويىندامادى. بۇل وقيعا 2023 جىلى 9 قاراشادا استانا قالاسىنداعى BAU مەيرامحاناسىندا بولدى.
بيشىمبايەۆقا ەكى باپ بويىنشا ايىپ تاعىلدى: اسا قاتىگەزدىكپەن كىسى ءولتىرۋ (15 جىلدان 20 جىلعا دەيىن نەمەسە ءومىر بويىنا باس بوستاندىعىنان ايىرۋ)؛ قيناۋ (4 جىلدان 7 جىلعا دەيىن باس بوستاندىعىن شەكتەۋ نەمەسە وسى مەرزىمگە باس بوستاندىعىنان ايىرۋ).
سونداي-اق ونىڭ تۋىسى باقىتجان بايجانوۆ تا كۇدىكتى رەتىندە قاماۋعا الىندى. وعان قىلمىستىق كودەكستىڭ ەكى بابى بويىنشا ايىپ تاعىلعان. ناقتىراق ايتساق، 432-بابى (اسا اۋىر قىلمىستى جاسىرىپ قالۋ)؛ 434-بابى (اسا اۋىر قىلمىستى حابارلاماۋ).
