Almatydaǵy «Evraziia» jáne «Rahat» bazarlaryndaǵy bir top saýdagerleriniń quqyǵy 6 jyldan beri qorǵalmai keledi. Sozbalańǵa salynǵan istiń nátijesi bolaryna úmiti úzilgen kásipkerler Prezidentten arasha suraidy. Saýda úiiniń menshik iesi bolýǵa bar tapqan qarjysyn quiǵan kásipkerlerdiń qarajatyn kim qaitarady? 6 jyldan beri núktesi qoiylmaityn bul qandai sot? Istiń saǵyzsha sozylǵanyna laýazymdy tulǵalardyń qatysy bar ma? Búgin osy suraqtarǵa jaýap izdegen kásipkerler jýrnalistermen kezdesip muńyn jetkizdi, - dep habarlaidy Dalanews.kz.
Saýdagerlerdiń aitýlarynsha, negizgi másele 2015 jyly bazarlardy modernizatsiialaý degennen bastalypty.
"6 jyldan beri sot protsesine núkte qoiylmai keledi. Biz bul máseleni aita-aita jaýyr boldyq. Óitkeni jaýapty organdar núkte qoiýǵa qulyqsyz. Biz endi Prezidentten kómek suraimyz. Endi sýda úiiniń ornyna ákimdik skver salǵysy keledi. Bul protsesste de kóptegen instantsiialardan óttik. Búginde Joǵary sotta bizdiń ótinishimizdi qaramai otyr. Dál Baraholkanyń ortasynan skver salýdy túsinbei otyrmyz. Bul «Rahat» bazaryna qatysty. Al «Eýraziia» saýda ortalyǵynyń jaǵdaiy da túsinikiz. Bul iste sozbalańǵa salynýda. Qarjyny qaltasyna basyp qashyp ketken Ovsiannikov syrttai sottalǵanymen, elimizge ekstraditsiialanbady. Al saýda úiiniń jańa basshylary qaita qaita aýysyp jatyr. Meniń oiymsha bul istiń sozbaqqa sozylýynda laýazymdy adamdardyń áseri bar. Biz Prezidentten osy máselege bei-jai qaramaýyn suraimyz",-deidi «Rahat» bazary men «Eýraziia» saýda úii kásipkerleriniń ókili, «AZP»zańgerler palatasynyń múshesi Jánibek Bashanov.
Onyń aitýynsha, istiń nátijeli júrgizilýine zań ókilderi nazar aýdaratyn emes. Bir jarym jyldan beri prokýratýra ispen áli tanysyp jatyr eken.
2023 jyldyń 15 qańtarynda «Evraziia» saýda úii kásipkerleriniń shaǵymdary negizinde asa iri kólemde shyǵyn keltirgen alaiaqtyq faktisi boiynsha saýda úiiniń burynǵy iesi I.N.Ovsiannikovke qatysty qylmystyq is qozǵalǵan. Oǵan negiz bolǵan 2022 jyly oryn alǵan bas-aiaǵy 6 aida saýda úiine qatysty 6 satyp-alý kelisim-shartynyń oryn alǵany. Jalpy 50 jábirlenýshiniń 4 994 500 AQSh dollaryna «Evraziia» saýda úii salynǵan. Kásipkerler óz qarajatyn saýda úiine úlestik menshik iesi retinde salǵan.
2023 jyldyń 6 sáýirinde I.Ovsiannikov syrttai sezikti dep tanylyp, ony qylmystyq áreketi QR Qylmystyq kodek siniń 190 babynyń 4 baby á tarmaǵy boiynsha baǵalanǵan.
2023 jyldyń 12 sáýirinde I.Ovsiannikovke qatysty syrttai qamaýǵa alý sharasy qoldanǵan.
2023 jyldyń 26 sáýirinde Ovsiannikovke halyqaralyq izdeý salynǵan.
Degenmen, qylmystyq is boiynsha aldyn ala tergeý sozbalaýshylyqqa salynýda. Tergeý men prokýratýra organdary qylmystyq isti jan-jaqty, obektivti tergeýge qulyqsyz.
"Biz nege alaiaqty elge qaitarmaimyz. 67 kásipkerdiń 5,5 mln dollaryn qaltasyna basyp, emin erkin júrgen qylmyskerdi ustaýǵa bizdiń zańnyń nege kúshi joq. Is qozǵalyp jatsa da, bizdiń saýda úiiniń oryndary bir adamnan bir adamǵa áli saýdalanyp jatyr. Endi Shámil Ábish ketip ornyna basqa kompaniia keldi. Olar tómengi etajǵa jóndeý jumystaryn júrgizip jatyr. Biz nege ketýimiz kerek? Bizdiń tirnektep tapqan qarjymyzdy kim qaitarady? Nege óz elimizde jetim balanyń kúiin sezinip otyrmyz. Ovsiannikovke 2016 jyly Qazaqstan azamattyǵy berilgen. Eger ol 2001 den bastap Resei azamaty bolsa, 2016 jyly azamattyqty kim bergen? Biz endi qaida baramyz? Kimge baramyz? Shyryldap júrgen 67 adamnyń jan aiqaiyn tyńdaityn adam bar ma? Bizdiń talabymyz Ovsiannikovti elge qaitaryp, bizdiń qarjymyz qaitarylsyn",-deidi kásipker Sáýle Abdýllina.
Sozbalańǵa salynǵan iste quqyq qorǵaý organdarynyń jumysy durys júrgizilmegen deidi Almaty oblysy zańgerler palatasynyń múshesi Serjan Arshabekov.
Ol: « Meniń oiymsha isti tájiribesiz ári zańgerlik bilimi joq mamandar júrgizgen. Olar is boiynsha normaǵa sai tekseris jasamaǵan. Tergeý barysynda qylmystyq istiń júrgizilýinde birneshe olqylyqtar bar. Biz azamattyq qoǵam ókilderin, qoǵam belsendilerin BAQ ókilderin osy iske bei-jai qaramaýyn ótinemiz»,- dedi.
6 jylǵa sozylǵan qylmystyq istiń aiaqtalýyn ótingen kásipkerlerdiń endigi úmiti Prezidentte.
