Mikrokreditter 21 jastan 35 jasqa deiingi, kásipkerlik qyzmetti bastaǵysy keletin ne kásipkerlikpen ainalysatyn, onyń ishinde taýarlardy óndirý (ótkizý), jumystardy oryndaý jáne qyzmetter kórsetý, satý (aiyrbastaý) úshin jeke qosalqy sharýashylyqta ónim óndirý jónindegi qyzmetti júzege asyratyn jastar úshin konkýrstyq negizde beriletin bolady.
Mikrokreditter «Agrarlyq nesie korporatsiiasy» AQ arqyly beriledi. Nominaldy syiaqy mólsherlemesi jyldyq 2,5%-dan aspaidy. Qaryzdyń eń joǵary somasy 5 mln teńgege deiin jáne ol úshin kepildiń bolýy mindetti.
Mikrokredit kez kelgen maqsat úshin 5 jylǵa deiin, al mal sharýashylyǵyna 7 jylǵa deiingi merzimge beriledi.
Sondai-aq negizgi bereshek pen syiaqyny óteý boiynsha jeńildik kezeńi kózdelgen, ol mikrokreditteý merzimi uzaqtyǵynyń 1/3 (úshten birinen) aspaidy.
Jalpy alǵanda, 2023 jylǵa arnalǵan respýblikalyq biýdjette jastardy mikrokreditteýdiń osy tetigin iske asyrý úshin 28 mlrd teńgeden astam qarajat kózdelgen, bul 5,7 myńnan astam jastardy jeńildetilgen mikrokreditpen qamtamasyz etýge múmkindik beredi.
