Májilis depýtaty Baqytjan Bazarbek sóz sóilep, jańa Salyq kodeksi men biýdjettik josparlaýdaǵy ádildik máselesin kóterdi. Depýtat qysyp sóileimin dep májilis tóraǵasy Erlan Qoshanovtan sóz estip qaldy, dep habarlaidy Dalanews.kz.
"Prezident eki jyl buryn salyq ádil bolýy keregin aitty. Qazir biz tólep otyrǵan salyq ádil me? Biraq jańa salyq kodeksi zańdy kúshine engennen keiin tólenetin salyqtar ádil bola ma? Men bul suraqqa jaýap bere almaimyn. Qazir munaidyń baǵasy 60 dollardan tómendep ketti. Al bizdiń qarjy ministrligimiz biýdjetti eseptegende 75 dollar dep kórsetip qoiǵan. Sonda qanshama defitsitti kim arqalaidy?
Qazaqta “kimniń qaida tyshyp ketkenin naýryz kórsetedi” degen sóz bar. Qazanda úkimet biýdjettiń igerilýine bailanysty esep beredi. Sol jerde kimniń qaida tyshyp ketkeni, kimge qandai jeńildik bergeni, sol jeńildiktiń arqasynda biýdjetke qansha teńge túspei qalǵany, ulttyq qordan qansha alatynymyz sonda ǵana anyqtalady. Sondyqtan zańger retinde úkimetpen tyǵyz jumys isteýge daiynmyn, deidi Baqytjan Bazarbek.
Erlan Qoshanovqa Bazarbektiń bul qylyǵy unamady.
"Sóilegende mádenietti saqtaiyq. Bul resmi jiyn. Parlament qabyrǵasy. Qysyp sóilegenińizdi túsinemin, biraq mádenietti saqtaý kerek, deidi májilis tóraǵasy.
