Ol portalǵa ekskliýzivti suhbat berdi.
Naǵima Esentaeva Baiannyń bul sózin prodiýserdiń halyqtyń aldynda aqtalýy dep oilaidy.
«Onyń aǵammen 22 jyl boiy baqytsyz ómir súrdim deýi halyqtyń aldynda aqtalýy dep oilaimyn. Búkil elge 22 jyl otasqan jaryn, qyzdarynyń ákesin qaita-qaita jar salyp aitýyn ábessizdik dep esepteimin. Baqytsyz boldym dep aita berse, oǵan bireý 22 jylyn qaitaryp beretindei», – deidi Naǵima Esentaeva.
Ol Baian Maqsatqyzynyń suhbatynda aitqan sózderine jeke-jeke toqtaldy.
«Men shynshylmyn, aqpyn»,- depti Baian. Eger ol shynshyl bolsa, onda nege aǵamdy sonsha jyl aldap keldi? «Maǵan ómir bir-aq ret beriledi. Sondyqtan baqytty ómir súrýge tiistimin», – depti taǵy bir sózinde. Baqytbek Esentaevqa eki ómir berilip pe sonda? Ony súiemin dep 22 jyl aldap kelse, odan soń súiiktimdi taptym dep 9 jylǵa qamatyp tastasa, aǵamnyń ómiri oiynshyq pa? Men aǵamdy aqtap otyrǵan joqpyn. Ol óziniń istegen isine qarai jazasyn alyp otyr. Biraq Baian ózin ǵana oilamai, basqalardy da oilaýy kerek, bóten adam emes, qyzdarynyń ákesi», – deidi Baqytbek Esentaevtyń qaryndasy.
Ol sondai-aq, budan buryn Baiannyń»kúieýim ajyrasýǵa kelisim bermedi» degen sózderin joqqa shyǵardy. Naǵima Esentaevanyń aitýynsha, byltyrǵy oqiǵaǵa deiin ol úide ajyrasamyz degen sóz aitylǵan emes.
Naǵima Esentaeva aǵasymen 22 jyl baqytsyz ómir súrgenin aitqan tanymal prodiýserge taǵy bir ýáj aitty.
«Baiannyń ata-anasy 20 jyldan astam ýaqyt aǵamnyń qolynda turdy. Sol ýaqytta qyzdarynyń baqytsyz ekenin kórip tursa, kúnde úiinde urys-keris bolsa, ol kisilerdiń kózi bailaýly bolǵany ma? Nege úndemedi? Olar Baqytbekke: «Sen bizdiń kúieý balamyz emes, týǵan balamyzsyń» dep otyratyn», – deidi aǵasymen jaqyn syrlas ekenin alǵa tartqan Naǵima Esentaeva.
Naǵima Esentaeva óziniń aqtalmaitynyn alǵa tartady. Ol bárin ýaqyttyń enshisine qaldyryp otyr.
«Baqytsyz ómir súrdim» degen Baian Maqsatqyzy osyndai jetistikke jetse, Alagózov myrzamen «baqytty ómirinde» qandai dárejeni baǵyndyratynyn ýaqyt kórseter. Qai kezde baqytty bolǵanyn alda bile jatarmyz. Qazir men eshteńe demeimin. Ol shyqqan saiyn biz uialamyz. Bir jerge baryp familiiamyzdy aitsaq, bári betimizge jalt qaraidy. Eger shynaiy baqytty bolsa, el aldyna shyǵa bermei, basqa adamdarǵa da tynyshtyq bersin. Tek bizdiń otbasyna ǵana emes, Alagózovter otbasyna, balalaryna, áieline aýyr tiip otyr. Munymen qoimai, qaita-qaita jurt aldyna kórinip, eki januianyń da moraldi turǵyda mazasyn alǵany úshin Liaisiranyń (red. – Tursynǵali Alagózovtyń áieli) aldynda aǵam uialyp júr. Meniń Baianǵa aitqym keletini – adam qansha aqtalsa da, ótiriktiń arbasy shyndyqtyń kópirinen ótpeidi», – deidi Naǵima Esentaeva.
Eske salsaq, kúni keshe tanymal prodiýser Baian Esentaeva otandyq bloger Erjan Ráshevke suhbat berip, óziniń ómiri jaiynda ashyq aityp bergen bolatyn. Ol óziniń jazyp jatqan kitabynda Baqytbek Esentaevty súimegenin aitty.
Derekkóz: Nur.kz
