ول پورتالعا ەكسكليۋزيۆتٸ سۇحبات بەردٸ.
ناعيما ەسەنتاەۆا باياننىڭ بۇل سٶزٸن پروديۋسەردٸڭ حالىقتىڭ الدىندا اقتالۋى دەپ ويلايدى.
«ونىڭ اعاممەن 22 جىل بويى باقىتسىز ٶمٸر سٷردٸم دەۋٸ حالىقتىڭ الدىندا اقتالۋى دەپ ويلايمىن. بٷكٸل ەلگە 22 جىل وتاسقان جارىن, قىزدارىنىڭ ەكەسٸن قايتا-قايتا جار سالىپ ايتۋىن ەبەسسٸزدٸك دەپ ەسەپتەيمٸن. باقىتسىز بولدىم دەپ ايتا بەرسە, وعان بٸرەۋ 22 جىلىن قايتارىپ بەرەتٸندەي», – دەيدٸ ناعيما ەسەنتاەۆا.
ول بايان ماقساتقىزىنىڭ سۇحباتىندا ايتقان سٶزدەرٸنە جەكە-جەكە توقتالدى.
«مەن شىنشىلمىن, اقپىن»,- دەپتٸ بايان. ەگەر ول شىنشىل بولسا, وندا نەگە اعامدى سونشا جىل الداپ كەلدٸ? «ماعان ٶمٸر بٸر-اق رەت بەرٸلەدٸ. سوندىقتان باقىتتى ٶمٸر سٷرۋگە تيٸستٸمٸن», – دەپتٸ تاعى بٸر سٶزٸندە. باقىتبەك ەسەنتاەۆقا ەكٸ ٶمٸر بەرٸلٸپ پە سوندا? ونى سٷيەمٸن دەپ 22 جىل الداپ كەلسە, ودان سوڭ سٷيٸكتٸمدٸ تاپتىم دەپ 9 جىلعا قاماتىپ تاستاسا, اعامنىڭ ٶمٸرٸ ويىنشىق پا? مەن اعامدى اقتاپ وتىرعان جوقپىن. ول ٶزٸنٸڭ ٸستەگەن ٸسٸنە قاراي جازاسىن الىپ وتىر. بٸراق بايان ٶزٸن عانا ويلاماي, باسقالاردى دا ويلاۋى كەرەك, بٶتەن ادام ەمەس, قىزدارىنىڭ ەكەسٸ», – دەيدٸ باقىتبەك ەسەنتاەۆتىڭ قارىنداسى.
ول سونداي-اق, بۇدان بۇرىن باياننىڭ»كٷيەۋٸم اجىراسۋعا كەلٸسٸم بەرمەدٸ» دەگەن سٶزدەرٸن جوققا شىعاردى. ناعيما ەسەنتاەۆانىڭ ايتۋىنشا, بىلتىرعى وقيعاعا دەيٸن ول ٷيدە اجىراسامىز دەگەن سٶز ايتىلعان ەمەس.
ناعيما ەسەنتاەۆا اعاسىمەن 22 جىل باقىتسىز ٶمٸر سٷرگەنٸن ايتقان تانىمال پروديۋسەرگە تاعى بٸر ۋەج ايتتى.
«باياننىڭ اتا-اناسى 20 جىلدان استام ۋاقىت اعامنىڭ قولىندا تۇردى. سول ۋاقىتتا قىزدارىنىڭ باقىتسىز ەكەنٸن كٶرٸپ تۇرسا, كٷندە ٷيٸندە ۇرىس-كەرٸس بولسا, ول كٸسٸلەردٸڭ كٶزٸ بايلاۋلى بولعانى ما? نەگە ٷندەمەدٸ? ولار باقىتبەككە: «سەن بٸزدٸڭ كٷيەۋ بالامىز ەمەس, تۋعان بالامىزسىڭ» دەپ وتىراتىن», – دەيدٸ اعاسىمەن جاقىن سىرلاس ەكەنٸن العا تارتقان ناعيما ەسەنتاەۆا.
ناعيما ەسەنتاەۆا ٶزٸنٸڭ اقتالمايتىنىن العا تارتادى. ول بەرٸن ۋاقىتتىڭ ەنشٸسٸنە قالدىرىپ وتىر.
«باقىتسىز ٶمٸر سٷردٸم» دەگەن بايان ماقساتقىزى وسىنداي جەتٸستٸككە جەتسە, الاگٶزوۆ مىرزامەن «باقىتتى ٶمٸرٸندە» قانداي دەرەجەنٸ باعىندىراتىنىن ۋاقىت كٶرسەتەر. قاي كەزدە باقىتتى بولعانىن الدا بٸلە جاتارمىز. قازٸر مەن ەشتەڭە دەمەيمٸن. ول شىققان سايىن بٸز ۇيالامىز. بٸر جەرگە بارىپ فاميلييامىزدى ايتساق, بەرٸ بەتٸمٸزگە جالت قارايدى. ەگەر شىنايى باقىتتى بولسا, ەل الدىنا شىعا بەرمەي, باسقا ادامدارعا دا تىنىشتىق بەرسٸن. تەك بٸزدٸڭ وتباسىنا عانا ەمەس, الاگٶزوۆتەر وتباسىنا, بالالارىنا, ەيەلٸنە اۋىر تيٸپ وتىر. مۇنىمەن قويماي, قايتا-قايتا جۇرت الدىنا كٶرٸنٸپ, ەكٸ جانۇيانىڭ دا مورالدٸ تۇرعىدا مازاسىن العانى ٷشٸن ليايسيرانىڭ (رەد. – تۇرسىنعالي الاگٶزوۆتىڭ ەيەلٸ) الدىندا اعام ۇيالىپ جٷر. مەنٸڭ بايانعا ايتقىم كەلەتٸنٸ – ادام قانشا اقتالسا دا, ٶتٸرٸكتٸڭ ارباسى شىندىقتىڭ كٶپٸرٸنەن ٶتپەيدٸ», – دەيدٸ ناعيما ەسەنتاەۆا.
ەسكە سالساق, كٷنٸ كەشە تانىمال پروديۋسەر بايان ەسەنتاەۆا وتاندىق بلوگەر ەرجان رەشەۆكە سۇحبات بەرٸپ, ٶزٸنٸڭ ٶمٸرٸ جايىندا اشىق ايتىپ بەرگەن بولاتىن. ول ٶزٸنٸڭ جازىپ جاتقان كٸتابىندا باقىتبەك ەسەنتاەۆتى سٷيمەگەنٸن ايتتى.
دەرەككٶز: Nur.kz
