Kezekti otyrysta buqaralyq aqparat quraldary, teleradıo habarlaryn taratý, aqparattandyrý jáne baılanys, aqparattyq qaýipsizdik salasynda qoǵamdyq qatynastardyń quqyqtyq rettelýin qamtamasyz etýge baǵyttalǵan Aqparat jáne komýnıkasıalar máselelerine qatysty zańnyń jobasyn ekinshi oqylymda maquldady. Joba boıynsha 6 kodekske jáne 16 zańǵa túzetýler engizý kózdelgen. Osy zań jobasyn qaraý barysynda Atyraý oblysynda dóńgelek ústel, budan basqa halyqaralyq sarapshylarmen kezdesýler, múddeli organdar, BAQ, úkimettik emes uıymdar ókilderiniń qatysýymen jumys tobynyń on tórt otyrysy jáne Májilistiń salalyq Komıtetiniń eki keńeıtilgen otyrysy ótkizilgen bolatyn.
Jumys tobynda depýtattar zań jobasynyń jekelegen normalaryn naqtylaýǵa jáne mazmunyn jaqsartýǵa atsalysady, onyń ishinde «Buqaralyq aqparat quraldary týraly» zańǵa resmı habarlarǵa kirmeıtin máseleler boıynsha buqaralyq aqparat quraldarynyń salýlaryna aqparat ıelenýshilerdiń jaýap berý merzimderin kúntizbelik 15 kúnnen 7 jumys kúnine deıin qysqartýdy aıqyndaý týraly kórsetilgen túzetýler qoldaý tapty.
Usynylǵan ózgerister azamattardyń aqparattyq saladaǵy quqyqtaryn qorǵaý tetikterin kúsheıtýdi, aqparattyq qaýipsizdikti qamtamasyz etý men buqaralyq aqparat quraldardyń qyzmetin jáne teleradıo habarlaryn taratýdy jetildirýdi, aqparatqa qol jetkizý boıynsha múmkindikterdi ulǵaıtýdy kózdeıdi.
Depýttardyń joǵaryda kórsetilgen túzetýleri Qazaqstan Respýblıkasy Úkimetiniń 2017 jylǵy 14 jáne 16 qarashadaǵy qorytyndylarynda qoldaý tapty.
