كەزەكتى وتىرىستا بۇقارالىق اقپارات قۇرالدارى، تەلەراديو حابارلارىن تاراتۋ، اقپاراتتاندىرۋ جانە بايلانىس، اقپاراتتىق قاۋىپسىزدىك سالاسىندا قوعامدىق قاتىناستاردىڭ قۇقىقتىق رەتتەلۋىن قامتاماسىز ەتۋگە باعىتتالعان اقپارات جانە كوممۋنيكاسيالار ماسەلەلەرىنە قاتىستى زاڭنىڭ جوباسىن ەكىنشى وقىلىمدا ماقۇلدادى. جوبا بويىنشا 6 كودەكسكە جانە 16 زاڭعا تۇزەتۋلەر ەنگىزۋ كوزدەلگەن. وسى زاڭ جوباسىن قاراۋ بارىسىندا اتىراۋ وبلىسىندا دوڭگەلەك ۇستەل، بۇدان باسقا حالىقارالىق ساراپشىلارمەن كەزدەسۋلەر، مۇددەلى ورگاندار، ب ا ق، ۇكىمەتتىك ەمەس ۇيىمدار وكىلدەرىنىڭ قاتىسۋىمەن جۇمىس توبىنىڭ ون ءتورت وتىرىسى جانە ءماجىلىستىڭ سالالىق كوميتەتىنىڭ ەكى كەڭەيتىلگەن وتىرىسى وتكىزىلگەن بولاتىن.
جۇمىس توبىندا دەپۋتاتتار زاڭ جوباسىنىڭ جەكەلەگەن نورمالارىن ناقتىلاۋعا جانە مازمۇنىن جاقسارتۋعا اتسالىسادى، ونىڭ ىشىندە «بۇقارالىق اقپارات قۇرالدارى تۋرالى» زاڭعا رەسمي حابارلارعا كىرمەيتىن ماسەلەلەر بويىنشا بۇقارالىق اقپارات قۇرالدارىنىڭ سالۋلارىنا اقپارات يەلەنۋشىلەردىڭ جاۋاپ بەرۋ مەرزىمدەرىن كۇنتىزبەلىك 15 كۇننەن 7 جۇمىس كۇنىنە دەيىن قىسقارتۋدى ايقىنداۋ تۋرالى كورسەتىلگەن تۇزەتۋلەر قولداۋ تاپتى.
ۇسىنىلعان وزگەرىستەر ازاماتتاردىڭ اقپاراتتىق سالاداعى قۇقىقتارىن قورعاۋ تەتىكتەرىن كۇشەيتۋدى، اقپاراتتىق قاۋىپسىزدىكتى قامتاماسىز ەتۋ مەن بۇقارالىق اقپارات قۇرالداردىڭ قىزمەتىن جانە تەلەراديو حابارلارىن تاراتۋدى جەتىلدىرۋدى، اقپاراتقا قول جەتكىزۋ بويىنشا مۇمكىندىكتەردى ۇلعايتۋدى كوزدەيدى.
دەپۋتتاردىڭ جوعارىدا كورسەتىلگەن تۇزەتۋلەرى قازاقستان رەسپۋبليكاسى ۇكىمەتىنىڭ 2017 جىلعى 14 جانە 16 قاراشاداعى قورىتىندىلارىندا قولداۋ تاپتى.
