Ol 2021 jyldyń 20 qyrkúieginde sot oryndaýshysyn, eki politsiia qyzmetkerin, jalpy alǵanda bes adamdy atyp óltirgen. Isti Almaty qalalyq soty qarap jatyr. Búgin sottalýshy sottaǵy sońǵy sózin aitty, ol nebári 2 minýt 48 sekýndqa sozyldy.
Eń aldymen sottalýshy óziniń advokattary Nikolai Harchenko men Ekaterina Bezlatnevaǵa tergeý men sot barysyndaǵy eńbegi úshin alǵys aitty. Sondai-aq tergeý birjaqty júrgizildi degen aiyp taqty.
"Bizdiń elde barlyǵy kredit alý arqyly jasalady. Ol azdai bankter adamdy tonaidy. Banktiń ishinde alaiaqtar otyrady, olar da adamnyń aqshasyn tonaýmen ainalysady. Oǵan bir dálel – Turǵanovtyń (Dýjnovtyń qolynan qaza tapqan úidiń jańa iesi) 72 aýktsionǵa jáne kepilge qoiylǵan múlik saýdasyna qatysýy, meniń úiimdi lashyq baǵasyna satyp alýy. Árine, tergeý tarapynan buǵan qatysty eshqandai suraq týyndamady. Qazir Qazaqstan azamattary arasynda materialdyq jaǵynan alshaqtyq bar jáne ádilettilik suraityndar kóp", - dedi Dýjnov sońǵy sózinde.
Ol sońyna deiin otbasyn úiden shyǵarmaitynyna senimdi bolǵanyn, sondai-aq qaitys bolǵan adamdardy jek kórý sezimi bolmaǵanyn, qazir de jek kórmeitinin aitty.
"Sebebi olar eldi qurtatyn júieniń bóligi. Ýchaskelik politseiler úiden kóshirýge kelmesten birneshe kún buryn meniń otbasymdy sot oryndaýshylarynan qorǵaitynyn aitty. Alaida Ábenov (qaitys bolǵan sot oryndaýshysy) bergen syiaqy úshin josparyn ózgertti. Onyń ústine ýchaskelik inspektordyń biri aýysymnan keiin demalýy kerek edi, iaǵni úiinde bolýy kerek edi", - dedi sottalýshy.
Ol aiyptaýshy tarapty zańdy ózine yńǵaily túrde qoldandy dep aiyptady.
"Álemde sýitsid sany boiynsha Qazaqstan úshinshi orynda tur. Bul osyndai zań qyzmetkerleriniń "eńbegi". Meniń otbasym kóptegen zańsyz sheshimniń kesirinen qiyn jaǵdaida qaldy. Biraq men árqashan otbasymdy jáne qajet bolǵan jaǵdaida elimdi qorǵaýǵa daiynmyn. Osy oqiǵadan keiin Qazaqstan prezidenti úiden shyǵarýǵa moratorii engizip, otandastarymnyń ómirin ýlaǵan kóptegen zańnyń kúshin joiǵanyna qýanyshtymyn. Bizdiń elde bilikti deoligarhizatsiialaý protsesi bastalǵanyna qýanyshtymyn", - dedi Igor Dýjnov.
Sottalýshy bes adamdy atyp óltirgenin "Qazaqstan halqynyń igiligi úshin is" dep atady.
[perfectpullquote align="full" bordertop="false" cite="" link="" color="" class="" size=""]"Meniń bostandyqqa shyǵýym úshin kúres áli jalǵasady. Sózsiz jeńip shyǵamyz", - dep túiindedi Dýjnov.
Igor Dýjnovtyń isi boiynsha úkim 26 sáýirde saǵat 15.00-de jariialanady.[/perfectpullquote]
Aita keteri, buǵan deiin memlekettik aiyptaýshy men jábirlenýshi tarap jaryssóz barysynda Igor Dýjnovty ómir boiyna bas bostandyǵynan aiyrýdy surady.
2021 jyldyń 20 qyrkúiegi keshke Almaty turǵyny Igor Dýjnov otbasyn úiden shyǵarýǵa kelgen adamdarǵa oq atty. Bes adam qaitys boldy: eki politsei, bir sot oryndaýshysy, úidiń jańa iesi men onyń ókili.
Kúdiktiniń otbasyna tiesili turǵyn úi onyń aldynda bankke qaryz boiynsha úshinshi tarapqa satylǵan. Úidiń burynǵy iesi sot sheshimimen kelispei, úidi bosatqysy kelmegen.
Sotta Dýjnov adamdardyń ólimine bailanysty ókinetinin aitty. Ol mundai jaǵdaiǵa "zańsyzdyq pen sot ozbyrlyǵy, sot oryndaýshysynyń zańsyz áreketteri" sebep bolǵanyn aitty.
Buǵan deiin aldyn ala sot otyrysynda bas prokýratýra Dýjnov qylmysty josparlaǵan, ol karabindi oqtap, garajǵa jasyrǵan dep málimdedi.
Bas prokýratýranyń qylmystyq qýdalaý qyzmetiniń aǵa prokýrory Shyńǵyshan Pusyrmanovtyń aitýynsha, sot oryndaýshysy, úidiń jańa iesi, advokattyń kómekshisi aýlaǵa kirgen kezde Dýjnov qarýyn alýǵa barǵan.
Tergeý Dýjnovtyń aýlasyna kirgen adamdardy qabyrǵaǵa qaz-qatar turǵyzyp, birinen soń birin atqanyn anyqtady. Sodan keiin ol kóshege shyǵyp, sol jerde turǵan politsiia qyzmetkerlerine oq jaýdyrǵan. Biraq olar kóliktiń artyna jasyrynyp úlgergen, olardyń biri oq jaýdyrǵan adamnyń qarýyn tartyp aldy.
Jalpy alǵanda Dýjnov karabinnen 10 ret oq atqan, onyń ishinde toǵyzyn segiz sekýndta atty.
