QR Bas prokýratýrasy senip tapsyrylǵan bótenniń múlkin asa iri mólsherde urlaǵany úshin qylmystyq jaýaptylyqqa tartý úshin kúdikti áieldi Resei Federatsiiasynan ekstraditsiialady, dep habarlaidy Dalanews.kz.
Tergeý nusqasy boiynsha ol 2015-2017 jyldar aralyǵynda Astana qalasy bankteriniń biriniń filialynyń jetekshi menedjeri bola otyryp, somasy 31 million teńgeden astam aqsha qarajatyn iemdenip, talan-tarajǵa salǵan.
Qylmys jasaǵannan keiin kúdikti jasyrynyp, osyǵan bailanysty halyqaralyq izdeý jariialandy.
"Ótken jyldyń maýsym aiynda izdeýde júrgen adam Resei Federatsiiasynyń Máskeý qalasynda ustaldy jáne Qazaqstan Respýblikasy Bas prokýratýrasynyń suraýy boiynsha Qazaqstanǵa ekstraditsiialandy. Qazirgi ýaqytta ol tergeý izoliatorynda", dep habarlaidy Bas prokýratýra.
Aiyptalǵan qylmysty jasaǵany úshin múlkin tárkileýmen jeti jyldan on eki jylǵa deiingi merzimge bas bostandyǵynan aiyrý jazasy qarastyrylǵan.
