Almatyda Tailandtan iri kólemde esirtki zatyn alyp ótpek bolǵan 22 jastaǵy Qazaqstan azamatyna sot úkimi shyqty. Boijetken 16 jylǵa bas bostandyǵynan aiyryldy, dep habarlady Bas kólik prokýratýrasy.
Vedomstvonyń málimetinshe, isti Almaty qalasynyń qylmystyq ister jónindegi mamandandyrylǵan aýdanaralyq soty qaraǵan. Sot ony esirtki zattaryn kontrabandalyq jolmen tasymaldaý jáne olardyń zańsyz ainalymyna qatysý baptary boiynsha kináli dep tanydy.
Tergeý kezinde boijetkenniń aqshalai syiaqy úshin Bangkokten Qazaqstanǵa eki chemodan jetkizýge keliskeni anyqtalǵan. Alaida júktiń ishinen jalpy salmaǵy 8,8 keli bolatyn kannabis syǵyndysy tabyldy.
Zańsyz júk Almaty áýejaiynda anyqtalyp, esirtki tasymaldaý áreketiniń joly kesildi.
Prokýratýra turǵyndardy áleýmettik jelilerde jariialanatyn «jeńil tabys» jáne tegin saiahat týraly kúmándi usynystarǵa senbeýge shaqyrdy.
Quzyrly organnyń eskertýinshe, mundai usynystar halyqaralyq esirtki tasymaldaý jelileriniń bir bóligi bolýy múmkin. Qylmystyq shemaǵa qandai rólde qatysqanyna qaramastan, adam qatań jaýapkershilikke tartylady.
Sot úkimi zańdy kúshine endi.
