Balyq ósirý boıynsha elimizde Túrkistan oblysy kósh bastap tur. Oblys ákimi Darhan Satybaldynyń óńirde balyq sharýashylyǵyn damytý tapsyrmasy aıasynda Sozaq aýdanynyń sharýalary balyq sharýashylyǵymen aınalysýdy qolǵa aldy, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.
Búginde aýdanda taýarly balyq sharýashylyǵymen aınalysýǵa kásipkerlerdiń qyzyǵýshylyǵy kún sanap artyp keledi. Sonyń biri – «Beıbarys» sharýa qojalyǵy.
2005 jyly ashylǵan sharýa qojalyǵy buǵan deıin mal jáne egin sharýashylyǵymen aınalysyp kelgen. Sonyń ishinde asyl tuqymdy angýs tuqymyn ósirgen.
Túrkistan oblysynyń tabıǵı resýrstar jáne tabıǵat paıdalanýdy retteý basqarmasy basshysynyń orynbasary Aqjaıyq Hametova Jartytóbe aýyldyq okrýgi, Aqqoltyq eldi mekenine arnaıy baryp, jeke kásipker Qaırat Baınıevtiń sharýashylyǵymen tanysty. Kásipker 15 gektar aýmaqqa balyq sharýashylyǵyn damytýdy qolǵa alyp otyr.
Ol memlekettik «Aýyl amanaty» baǵdarlamasy aıasynda 2,5 paıyzben 8,5 mln teńge nesıe alyp, byltyr kóktem aıynda óz isin bastaǵan. Kásipker óziniń jeke toǵanyna 15 myń forel shabaqtaryn jiberip, ósirýde. Kásip ıesi aldaǵy ýaqytta óz kásibin keńeıtýdi kózdeýde.
Kásip ıesimen kezdesken basqarma basshysynyń orynbasary balyq sharýashylyǵymen aınalysý tıimdi kásipterdiń biri ekenin aıtyp, memleket tarapynan qoldaýlar bolatyndyǵyn jetkizdi.
Aýdanda «Aýyl amanaty» baǵdarlamasy boıynsha 2,5 paıyzben jeńildetilgen nesıe men sýbsıdıa berý jáne osy salaǵa ınvestorlar tartý jumystary júrgizilip keledi. Jalpy aýdanda «Aýyl amanaty» jobasy aıasynda balyq sharýashylyǵyn damytý boıynsha 7 kásipker 56 mln teńge nesıe alǵan. Jalpy bıyl «Aýyl amanaty» baǵdarlamasy aıasynda 232 joba maquldanyp, 1 mlrd. 20 mln. teńge qarastyrylyp otyr.
Aıta keteıik, oblysta «Aýyl amanaty» baǵdarlamasy boıynsha 24 kásipker 168,9 mln teńge jeńildetilgen nesıe alyp, balyq ósirý sharýashylyqtaryn ashqan.
