Merekelik shara 1 maýsym – Halyqaralyq balalardy qorǵaý kúni Nur-Sultan qalasynda, erke Esil jaǵasyndaǵy amfiteatrda ótti.
Kontserttik baǵdarlamada elimizdiń birneshe óńirinen kelgen 800-ge jýyq talantty bala jáne estrada juldyzdary óner kórsetti. Balalardy merekemen quttyqtap Qazaqstan Respýblikasy Aqparat jáne qoǵamdyq damý ministri Asqar Omarov arnaiy keldi.
Ministr Asqar Omarov alǵy sózinde:
Memleket basshysy Qasym-Jomart Toqaevtyń 2022 jyldy «Balalar jyly» dep belgilegeni málim.Prezident bul jyldy óskeleń urpaqtyń úilesimdi damýyna jan-jaqty qoldaý bildirip, olarǵa sapaly bilim men meditsinalyq kómek kórsetý aiasynda memleket tarapynan naqty is-sharalar jasalýyn basa aitty. Osy rette, kontserttik baǵdarlamamen qatar, balalar úshin maǵynaly is-sharalar ótkizip otyrǵan «BALAPAN ÁLEMI» balalar festivaline qosh keldińizder deimin.
Budan bólek, ministr «Balalar jyly» aiasynda atqarylǵan is-sharalardy aita kele, «Balapan» telearnasynyń efirden tys jasap júrgen jobalaryna toqtaldy:
«Kontent jasaýdan bólek, balalar arnasy 2021 jyly áleýmettik mańyzdy «Erekshe qajettilikteri bar balalarǵa arnalǵan animatsiia mektebin» ashty. Joba erekshe balalarǵa animatsiiany oqytyp, olardyń qoǵamnyń belsendi múshesi bolýyna jol ashady. Buǵan qosa, biyl telearna zamanaýi balalar ánderine baiqaý jariialady. Onyń jeńimpazdary da aldaǵy kúnderi jariialanbaq. Bes jeńimpazǵa korporatsiia tegin klip túsirip, telearnalardan kórsetedi».
«Qazaqstan» telearnasymen birlese atqarylǵan kontserttik baǵdarlamada Gúlnur Orazymbetova, Ushqyn Jamalbek, Nurlan Álimjandar ánnen shashý shashsa, Roza Álqoja qyzy Iasina Aidynqyzy jáne Jiger Aýypbaev shákirti Aidos Kádenmen dýet qurdy.
Sondai-aq, festivalde dombyranyń qulaǵynda oinaityn 100 baladan quralǵan qurama orkestr halyq kompozitorlarynyń kúilerin oryndap, bi ansamblderi fleshmob biledi. Balalar arnasynan túlep ushqan, búginde úlken sahnada júrgen tanymal ónerpazdar qonaq retinde kelip, quttyqtaýlaryn arnady.
Airyqsha atap óterligi, festivalge kóp balaly jáne áleýmettik jaǵdaiy tómen otbasylardyń balalary men erekshe qajettilikteri bar búldirshinder qatysyp, ónerlerin ortaǵa saldy. Olardyń qatarynda Qaraǵandydan arnaiy kelgen, respýblikalyq «Dombyra-Dastan» baiqaýynda bas júldeni jeńip alǵan kúishi Nurdáýlet Saǵatbek te bar.
Sonymen qatar, amfiteatr aýmaǵynda ulttyq sport jáne oiyn-saýyq alańdary uiymdastyrylyp, túrli saiystar men asfaltqa sýret salý baiqaýy ótti.
«Balapan» álemi» atty kitap kórmesi men astanalyq mektepishilik qolóner úiirmeleri men sheber balalar daiyndaǵan qolóner buiymdarynan jármeńke jaiyldy. Kóńildi animatorlar men tsirk ártisteri de festivalge kelgen merekeniń kórkin qyzdyrdy. Festivalge kelgen kishkentai qala turǵyndary men qonaqtary barsha sharaǵa qyzyǵa qatysyp, tanymal ánshi jáne sportshylarmen estelikke sýretke tústi.
Elimizdiń barsha óńirindegi balalarǵa merekelik kóńil-kúi syilaý maqsatynda festival «Balapan» telearnasynan tikelei efirde kórsetildi. Sonymen qatar, Ulytaý oblysy, Abai oblysy, Mańǵystaý oblysy jáne Qyzylorda oblysy ákimdikteriniń qoldaýymen balalarǵa arnalǵan is-sharalar uiymdastyrylyp, tikelei bailanys arqyly qosyldy.
Aita ketelik, saltanatty keshte «Balapan»-nyń jańa maýsymyndaǵy jańalyqtary aitylyp, telearnanyń jańa beinesi tanystyryldy.
Atalǵan festival «Balapan» telearnasynyń «Balalar jyly» sheńberinde uiymdastyrǵan alǵashqy sharasy emes. Balalardyń súiikti arnasy biyl budan bólek «Samǵa, Balapan»jáne «Balapan kóktemi» atty kontsertter ótkizdi. Kógildir ekrannan kishkentai kórermenderine daiyndaǵan bazarlyqtary da mol. Jańa televiziia maýsymynda balalardy otanshyldyqqa, baýyrmaldyqqa, bilim men ǵylymǵa baýlityn 22 mýlthikaia men telebaǵdarlamalar usynady.
