Sot Air Astana-ny jaýapqa tartty. Bul týraly zańger Danilhan Shaǵataev málimdedi, dep habarlaidy Dalanews.kz.
Oqiǵa 2024 jyly jeltoqsanda bolǵan. Bes bala Air Astana áýekompaniiasynyń qyzmetkerlerimen birge Túrkiiaǵa ketken. Biraq 10 jastaǵy bala kelgen boida tólqujatyn tappai qalǵan. Ýaqytsha qujat jasalǵansha, bala eki kún boiy deportatsiia bólmesinde jalǵyz otyrǵan. Sodan keiin áýekompaniia kámeletke tolmaǵandarǵa qyzmet kórsetýge balany zańdy ókilden qabyldaý, reis kezinde onyń qaýipsizdigin qamtamasyz etý jáne kelgen kezde zańdy ókilge tapsyrý kiretinin, al qujattar men jeke zattaryn baqylaý jolaýshyǵa júkteletinin málimdegen.
Balanyń anasy Air Astana ústinen sotqa shaǵym túsirdi.
Advokat Danilhan Shaǵataev sotta kámeletke tolmaǵandar jaýapkershilikke tartylmaityndyqtan, jolaýshynyń ózi jaýapty degen áýe kompaniiasynyń málimdemesine qarsylyq bildirgen.
"Balalardy áýekompaniia qyzmetkerlerine berý jáne ushaqqa otyrǵyzý kezinde barlyq qajet qujat bolǵany anyqtaldy. Sotta birqatar kýáger, sonyń ishinde Túrkiiada jolserikter men jerústi qyzmet kórsetý qyzmetkerlerinen de jaýap alyndy. Nátijesinde sot áýekompaniianyń balanyń qujattaryn tekserý jónindegi óz mindetterin durys oryndamaǵanyn anyqtady", – dedi advokat.
Danilhan Shaǵataevtyń aitýynsha, sot jańa áýe biletterin satyp alý, jańa tólqujat rásimdeý úshin materialdyq shyǵyndy óteý, sondai-aq, 2 million teńge kóleminde moraldyq shyǵyndy óteý týraly sheshim shyǵardy. Sheshim zańdy kúshine engen joq.
