Ishki ister ministriniń orynbasary Igor Lepeha Ulytaý oblysynda balalardy qamqorlyǵyna alyp, olardy birneshe jyl quldyqta ustaǵan áieldiń isine qatysty túsinikteme berdi, dep habarlaidy Dalanews.kz.
Lepeha Parlament Májilisiniń jalpy otyrysynyń kýlýarynda atalmysh oqiǵaǵa bailanysty eki bap boiynsha qylmystyq is qozǵalatynyn atap ótti.
"Birinshisi – qamqorshy quqyǵyn asyra paidalaný, ekinshisi – azaptaý. Muny qylmystyq is aiasynda qarastyramyz. Zańǵa sáikes, eki jylǵa deiin bas bostandyǵynan aiyrý jazasy qarastyrylǵan", - dedi Igor Lepeha.
Eske salaiyq, buǵan deiin Ulytaý oblysynda jantúrshigerlik jaǵdai áshkere bolǵan edi. Jetim balalardy asyrap alǵan áiel, olardy qara jumysqa jegip, 5 jyl boiy quldyqta ustaǵan.Bul týraly QR Bala quqyqtary jónindegi ýákil Dinara Zákieva Instagram paraqshasynda jazǵan bolatyn.
