Bala quqyqtary jónindegi ýákil Dinara Zákieva balalar úshin qaýipti kitaptar men áleýmettik jelidegi toptardyń tizimin jariialady, - dep habarlaidy Dalanews.kz.
Balalardyń quqyqtaryn qorǵaý komiteti barlyq mektep chattaryna áleýmettik jelilerdegi qaýipti toptar men qaýipti kitaptardyń tizimin jáne nazar aýdarýdy qajet etetin belgilerdi, sondaĭ-aq balany qaĭtymsyz saldarǵa ákeletin ártúrli qaýip-qaterlerden qorǵaý úshin kómek suraýǵa bolatyn qyzmetterdiń baĭlanys nómirlerin qamtityn jadynama jiberilgen.
"Sonymen qatar, balańyzben olar qaýipsizdik sabaqtarynda qarastyrǵan taqyryptardy talqylaý paĭdaly bolady. Ne esinde qalǵanyn, ne úĭrengenin, qandaĭ jedel qyzmetter men senim telefondarynyń nómirlerin biletinin jáne túrli jaǵdaĭlarda óz ómirin qalaĭ qaýipsizdendirýi kerektigin surap otyrý mańyzdy", - deidi Zákieva.
Zákieva balalardyń qaýipsizdigin úĭden bastap (terezelerge blokirator ornatý, kishkentaĭ balalardy qaraýsyz qaldyrmaý), olarǵa eresektermen jáne qurdastarymen qarym-qatynas kezinde qandaĭ jaǵdaĭlardan aýlaq bolý kerektigine, sondaĭ-aq áleýmettik jelilerdegi qaýip-qaterlerge deĭin túsindirý arqyly qamtamasyz etý keregin aitady.
Sonymen, Dinara Zákievanyń sózinshe,balańyzdyń áleýmettik jelide myna toptarǵa kirmeýin qadaǵalańyz:
Sinii kit,Tihii dom, Razbýdi menia v 4.20, Mlechnyi pýt, More kitov, U19, F57, begi ili ýmri, Kity plyvýt vverh, f58, Rina, Nia.poka, 50 dnei do moego.., Krasnyi delfin, Soiýz nernyh kletok, Honey moon, Soiýz Ian.
Odan bólek, balalardyń myna kitaptardy oqymaǵany jón:
Tsvety piona na snegý, Spletni i K-ROR, Poka ne pogasnet poslednii fonar, Edinstvennyi konets zlodeiki - smert, Nachalo posle kontsa, Haski i ego ýchitel belyi kot, Magistr diavolskogo kýlta, Zlodeiskii pýt jene t. b.
Balalar úshin qaýipti onlain oiyndar: Schoolboy runaway - stealth, GachaLife jáne taǵy basqalary.
