Balaeva osy kezdesýde membaǵdarlamalar men memorgandar ázirleitin jobalarǵa toqtalyp, olardyń kantseliariia tilimen jazylatynyn aitty.
Ministrdiń pikirinshe sonyń kesirinen qarapaiym halyq belgili bir baǵdarlamanyń mán-maǵynasyn jete túsine bermeidi.
"Bizdiń ministrliktiń basty maqsaty halyqqa aqparat jetkizý. Aqparatty halyqqa uǵynyqty tilde, naqty jáne týra jetkizý kerek. Osy jaǵyna kelgende olqylyq kóp. Memapparat ázirleitin qujattardyń barlyǵy shiki. Óitkeni alǵashqy nusqasy óńdelmegen, keńse tilimen jazylǵan.
Mundai qujatty halyq múlde túsinbeidi, resmi reńkten aýytqymai jazylǵan qujat eldiń miyna qonbaidy.
Baǵdarlamanyń maqsat-muratyn halyq túsinbedi eken, endeshe odan qandai nátije kútemiz? Memlekettiń organdar ázirleitin jobalar, joldaýlar jurtqa uǵynyqty tilde jazylmaiynsha elge qaiyry bolmaidy, – deidi Balaeva.
Ministr osy oraida strategiialyq jobalarǵa qatysty anyq-qanyq aqparat beretin arnaiy portaldyń ashylǵanyn tilge tiek etti. Aldaǵy ýaqytta Youtube-ten memjobalar jaily saýalǵa egjei-tegjeili jaýap beretin arna da ashylmaq.
"Qoǵammen keri bailanys ornatý óte mańyzdy. El sózine qulaq túrip, qoǵamnyń talap-údesinen shyǵý maqsat", – deidi ministr Balaeva.
