بالايەۆا وسى كەزدەسۋدە مەمباعدارلامالار مەن مەمورگاندار ازىرلەيتىن جوبالارعا توقتالىپ، ولاردىڭ كانسەلياريا تىلىمەن جازىلاتىنىن ايتتى.
ءمينيستردىڭ پىكىرىنشە سونىڭ كەسىرىنەن قاراپايىم حالىق بەلگىلى ءبىر باعدارلامانىڭ ءمان-ماعىناسىن جەتە تۇسىنە بەرمەيدى.
"ءبىزدىڭ مينيسترلىكتىڭ باستى ماقساتى حالىققا اقپارات جەتكىزۋ. اقپاراتتى حالىققا ۇعىنىقتى تىلدە، ناقتى جانە تۋرا جەتكىزۋ كەرەك. وسى جاعىنا كەلگەندە ولقىلىق كوپ. مەماپپارات ازىرلەيتىن قۇجاتتاردىڭ بارلىعى شيكى. ويتكەنى العاشقى نۇسقاسى وڭدەلمەگەن، كەڭسە تىلىمەن جازىلعان.
مۇنداي قۇجاتتى حالىق مۇلدە تۇسىنبەيدى، رەسمي رەڭكتەن اۋىتقىماي جازىلعان قۇجات ەلدىڭ ميىنا قونبايدى.
باعدارلامانىڭ ماقسات-مۇراتىن حالىق تۇسىنبەدى ەكەن، ەندەشە ودان قانداي ناتيجە كۇتەمىز؟ مەملەكەتتىڭ ورگاندار ازىرلەيتىن جوبالار، جولداۋلار جۇرتقا ۇعىنىقتى تىلدە جازىلمايىنشا ەلگە قايىرى بولمايدى، – دەيدى بالايەۆا.
مينيستر وسى ورايدا ستراتەگيالىق جوبالارعا قاتىستى انىق-قانىق اقپارات بەرەتىن ارنايى پورتالدىڭ اشىلعانىن تىلگە تيەك ەتتى. الداعى ۋاقىتتا Youtube-تەن مەمجوبالار جايلى ساۋالعا ەگجەي-تەگجەيلى جاۋاپ بەرەتىن ارنا دا اشىلماق.
"قوعاممەن كەرى بايلانىس ورناتۋ وتە ماڭىزدى. ەل سوزىنە قۇلاق ءتۇرىپ، قوعامنىڭ تالاپ-ۇدەسىنەن شىعۋ ماقسات"، – دەيدى مينيستر بالايەۆا.
