Bir kún buryn ministrlik "Qazaqstan biligi Facebook jelisiniń ishki júiesine kirip, ózi "ziiandy" dep tapqan kontentti habarlaýǵa ekskliýzivti múmkindik aldy" dep habarlaǵan. Vedomstvo Facebook'pen "ziiandy kontenttermen kúres máseleleri boiynsha tyǵyz qarym-qatynas jasaǵany jóninde kelisimge kelgenin" aitqan.
Kóp uzamai Facebook jelisine ie Meta Platforms kompaniiasynyń Aziia-Tynyq muhity aimaǵy boiynsha kommýnikatsiia bóliminiń direktory Ben MakKonahi qazaq úkimetimen ortaq málimdeme jasaǵanyn teristedi.
Aqparat jáne qoǵamdyq damý ministri Aida Balaeva 2 qarashada Facebook'taǵy jazbasynda:
"Aqparat jáne qoǵamdyq damý ministrligi negizgi kelissózderdi Gonkong qalasynda ornalasqan Qytai, Mońǵoliia jáne Ortalyq Aziia óńiri boiynsha "Meta" ("Facebook") kompaniiasynyń óńirlik ofisimen júrgizdi. 1 qarashada jariialanǵan birikken málimdemeniń mátini men onyń BAQ-da jariialanýy atalǵan aimaqtyq keńseniń basshylyǵymen tolyqtai kelisilgen bolatyn" dep jazdy.
Ministr sózine reaktsiia bildirgen keibir qoldanýshylar áý bastan-aq vedomstvo aqparat quraldaryn shatystyrmai "kelissóz kompaniianyń óńirlik keńsesimen kelisimge keldi" dep anyqtap jazýy tiis edi dep atap ótti.
Facebook'pen "kelisim" jóninde qaishy aqparattar Qazaqstan parlamentinde áleýmettik jelilerdi shekteý múmkindigin qarastyratyn zań jobasy talqylanyp jatqan shaqta jariialanyp otyr.
Atalǵan joba jurt arasynda qarsylyqqa ushyrap, azamattyq qoǵam ókilderi bilik elde tsenzýranyń jańa ádisin oilap tapty dep synaǵan. Al zań jobasynyń avtorlary "bul kiberbýlling pen qaýipti kontentterdiń taraýyn toqtatady" dep málimdegen.
Qazaqstan biligi elde kemi 3,2 million adam Facebook jelisin qoldanady dep málimdedi. Al Meta kompaniiasynyń Instagram jáne WhatsApp jelileriniń de Qazaqstandaǵy qoldanýshylary kóp.
Buǵan deiin adam quqyǵyn qorǵaýshylar Facebook'ti álem úkimetteriniń aqparat bostandyǵyn shekteitin ótinishterine boiusynady dep aiyptaǵan.
