2025 jyly "Báiterek" ulttyq holdinginiń basqarma tóraǵasy men basqarma múshelerine jalpy 440,4 mln teńge tólengen, dep habarlaidy dalanews.kz.
Holding basqarmasynyń quramynda jeti adam bolǵan. Osyǵan súiengen esep boiynsha, ár basshyǵa orta eseppen jylyna shamamen 62,9 mln teńgeden, iaǵni aiyna shartty túrde 5,24 mln teńgeden keledi.
Alaida bul somany basshylardyń ai saiynǵy jalaqysy dep qarastyrýǵa bolmaidy. 440,4 mln teńgege eńbekaqydan bólek, 2024 jyldyń qorytyndysy boiynsha berilgen syiaqy jáne memlekettik merekege orai tólengen syilyqaqy da kirgen.
Kórsetilgen soma salyqtar men ózge de mindetti tólemder ustalmai turyp eseptelgen.
Holding ár basshynyń naqty qansha tabys tapqanyn jáne jekelegen syilyqaqylardyń kólemin jariialamaǵan.
