Almatydaǵy №1 balalar úiiniń (Baǵanashyldaǵy tanymal mekeme) eki tárbielenýshisi Kristina Belgorodskaia (15 jasta) men Margarita Cherepanova (16 jasta) 18 shilde kúni tańerteń balalar úiinen shyǵyp, qaita oralmaǵan. Qyzdardy izdeý jumystary eki aptadan beri nátije bermei otyr, dep habarlaidy Dalanews.kz.
Qyzdardyń joǵalýy balalar úiindegi tárbielenýshilerdi Konaev qalasyndaǵy basqa ǵimaratqa kóshirý áreketi tóńiregindegi shýǵa tuspa-tus kelgen.
Almaty politsiia departamenti izdestirý isin qozǵap, qyzdardyń buryn da birneshe ret balalar úiinen ketip qalyp, olardy politseilerdiń kúshimen qaitaryp otyrǵanyn málimdedi.
Joǵalǵan qyzdar týraly aqparat
Kristina Belgorodskaia: boiy 155-157 sm, orta deneli, shashy aqshyl qońyr tústi, uzyn, kózderi qońyr. Qara fýtbolka men qara shalbarda bolǵan.
Margarita Cherepanova: boiy 165 sm, orta deneli, shashy qara tústi, uzyn, kózderi qońyr. Qara fýtbolka men ashyq kók tústi djinsy kigen.
Sońǵy kezde Baǵanashyldaǵy №1 balalar úii jii janjaldyń ortasynda qalyp júr. Mekeme muǵalimderi ózderine qysym kórsetilip, óz erkimen jumystan ketý jóninde aryz jazýǵa májbúr bolǵandaryn aitsa, resmi bilik ustazdardyń jumyssyz qalmaitynyn, tek basqa mekemege aýystyrylatynyn málimdep otyr.
