الماتىداعى №1 بالالار ٷيٸنٸڭ (باعاناشىلداعى تانىمال مەكەمە) ەكٸ تەربيەلەنۋشٸسٸ كريستينا بەلگورودسكايا (15 جاستا) مەن مارگاريتا چەرەپانوۆا (16 جاستا) 18 شٸلدە كٷنٸ تاڭەرتەڭ بالالار ٷيٸنەن شىعىپ, قايتا ورالماعان. قىزداردى ٸزدەۋ جۇمىستارى ەكٸ اپتادان بەرٸ نەتيجە بەرمەي وتىر, دەپ حابارلايدى Dalanews.kz.
قىزداردىڭ جوعالۋى بالالار ٷيٸندەگٸ تەربيەلەنۋشٸلەردٸ كوناەۆ قالاسىنداعى باسقا عيماراتقا كٶشٸرۋ ەرەكەتٸ تٶڭٸرەگٸندەگٸ شۋعا تۇسپا-تۇس كەلگەن.
الماتى پوليتسييا دەپارتامەنتٸ ٸزدەستٸرۋ ٸسٸن قوزعاپ, قىزداردىڭ بۇرىن دا بٸرنەشە رەت بالالار ٷيٸنەن كەتٸپ قالىپ, ولاردى پوليتسەيلەردٸڭ كٷشٸمەن قايتارىپ وتىرعانىن مەلٸمدەدٸ.
جوعالعان قىزدار تۋرالى اقپارات
كريستينا بەلگورودسكايا: بويى 155-157 سم, ورتا دەنەلٸ, شاشى اقشىل قوڭىر تٷستٸ, ۇزىن, كٶزدەرٸ قوڭىر. قارا فۋتبولكا مەن قارا شالباردا بولعان.
مارگاريتا چەرەپانوۆا: بويى 165 سم, ورتا دەنەلٸ, شاشى قارا تٷستٸ, ۇزىن, كٶزدەرٸ قوڭىر. قارا فۋتبولكا مەن اشىق كٶك تٷستٸ دجينسى كيگەن.
سوڭعى كەزدە باعاناشىلداعى №1 بالالار ٷيٸ جيٸ جانجالدىڭ ورتاسىندا قالىپ جٷر. مەكەمە مۇعالٸمدەرٸ ٶزدەرٸنە قىسىم كٶرسەتٸلٸپ, ٶز ەركٸمەن جۇمىستان كەتۋ جٶنٸندە ارىز جازۋعا مەجبٷر بولعاندارىن ايتسا, رەسمي بيلٸك ۇستازداردىڭ جۇمىسسىز قالمايتىنىن, تەك باسقا مەكەمەگە اۋىستىرىلاتىنىن مەلٸمدەپ وتىر.
