Baǵa qaida barasyń?

Qazaqstanda 2017 jyldyń jeltoqsan aiynda azyq-túlik taýarlary 2016 jyldyń jeltoqsanymen salystyrǵanda 6,5 paiyzǵa qymbattady, – dep habarlaidy «QazAqparat».

Atalǵan merzim ishinde konditerlik ónimder 10,7%, alkogoldik ishimdikter - 10,3%, sút ónimderi – 9,3%, balyq jáne teńiz ónimderi – 8,6%, jemister men kókónister – 8,4%, toqash jáne un ónimderi – 7,4%, kofe, shai jáne kakao - 6,2%, nan – 2,8%, makaron ónimderi – 2,1%, un – 1,8 paiyzǵa qymbattaǵan. Al qanttyń baǵasy 19,5%, jarmanyń baǵasy 15,1%-ǵa tómendegen.

Atalmysh kezeńde et jáne et ónimderi baǵasynyń ósimi 11,4% qurady. Siyr etiniń baǵasy 15,3%, qoi eti – 14,1%, jylqy eti – 9,8%, shoshqa eti – 9,3%, shujyq ónimderi – 7,3%, qus eti – 5,8%-ǵa qymbattaǵan.