Úshinshi festival kúniniń basty ideiasy «Urpaqtar sabaqtastyǵy» boldy. Óitkeni, búginde «Aziia daýysy» aldyna tek mýzyka maitalmandarynyń býynyn ǵana emes, bir kezderi óner jolyn osy baiqaýdan bastaǵandardy biriktirý mindetin qoiyp otyr.
Sondyqtan, úshinshi kúni eń aldymen balalar fleshmobyn kórdik, sodan keiin sahnaǵa «Jas qanat. Balalar» baiqaýynyń jeńimpazdary shyqty. Juldyzdarǵa erekshe kontseptsiia – balalarymen án shyrqaý usynyldy.
Máselen, Qazaqstannyń halyq ártisi Naǵima Esqalieva uly Dias Abylaevpen dýet oryndasa, Qazaq KSR-niń halyq ártisi, Ózbekstannyń eńbek sińirgen ártisi, Qyrǵyz Respýblikasynyń eńbek sińirgen mádeniet qairatkeri Roza Rymbaeva sahnaǵa uldary Áli Rymbaev, Mádi Oqapovtarmen trio bolyp shyqty.
Festivaldiń úshinshi kúni saǵynyshqa toly boldy. Ekran arqyly kórermenderge 90-shy jyldardaǵy aty ańyzǵa ainalǵan «Aziia daýysy» sahnasynda búgingi ártisterdiń qandai bolǵany týraly rolikter kórsetildi. Sondai-aq, olar áigili «Aziia daýysy» djinglynyń avtory, birneshe DDD deitin daýysty jasaǵan, festivalge Germaniiadan arnaiy kelgen Vitalii Mihaelistiń estelikteri aityldy.
Eń bastysy, qatysýshylar «Aziia daýysy» sahnasynda tuńǵysh ret Aleksandr Beliakovtyń jetekshiligimen Al Jazz Symphony estradalyq jáne simfoniialyq orkestriniń súiemeldeýimen óner kórsetti. Almatynyń 60 úzdik mýzykanty ártister men kórermender úshin kesh boiy jumys istep, naǵyz saýnd lázzat syilady!
Úshinshi kúnniń hedlainerlery - ózbektiń "Ialla" toby men Shvetsiialyq "Secret service" toby boldy. Aitpaqshy, «Ialla» toby – mádenietti damytýǵa qosqan úlesi úshin festival simvoly – kún basy bar jaratylys beinesindegi qaita jańǵyrǵan «Aziia daýysynyń» alǵashqy músinimen marapattaldy. Ony festivaldiń bas prodiýseri Armanjan Baitasov tanystyrdy.
– Festival komandasy úsh kún boiy keremet joba jasap jatyr. Men eki elementtiń – «eski mektep» jáne jańa komandanyń biriktirilgenine óte qýanyshtymyn jáne ujymǵa rahmet aitamyn. Birinshi kúndi jasaǵan Azat Ábikenge, ekinshi kúni Black Eyed Peas kelýin uiymdastyrǵan Sábit Súleimenovke jáne «Aziia daýysy» qoǵamdyq qorynyń prezidenti Irina Kovyriakoǵa alǵysymdy bildiremin, – dedi, Armanjan Baitasov.
Sondai-aq, Armanjan Baitasov festivaldiń demeýshisi Allur Auto usynǵan Chevrolet Onix avtokóligin Kenje esimdi áiel utyp alǵanyn jáne bul da intriga bolǵanyn aitty. Utys oiyny eki ret ótkizilgen, alǵashqy jeńimpazdar bilet sany atalǵanda sahnaǵa shyqpaǵan. Biraq aqyry kólik óz iesin tapty.
Festival osymen aiaqtaldy. Endi biz onyń negizin qalaýshylar - Murat Erǵaliev pen Aleksandr Ponomarev oilap tapqan baiqaý formatynda ótetin kelesi "Aziia daýysy – 2024" festivaline "Qosh keldiń!" deimiz.
Festival demeýshilik pen aqparattyq qoldaýdyń arqasynda múmkin bolǵanyn eske salamyz! «Aziia daýysy - 2023» festivaliniń bas seriktesi jáne teń uiymdastyrýshysy – Halyk Bank boldy.
Resmi telearna: Silk Way
Resmi gazetter: «Almaty aqshamy» men «Vechernii Almaty»
Aqparattyq qoldaý: «1 kanal «Evraziia», «NTK», MUZZONE TV, Business FM, RadioCitý, «Delovoi Kazahstan», «Qala men dala», «Novoe pokolenie», «Moskovskii komsomolets», Forbes.kz, Zakon.kz, Caravan.kz, Kursiv.media, Nege.kz, Arbat.media, Informburo.kz, Baigenews.kz, Zhatpa.kz, Weproject.media, DALA INSIDE telegramy, Túrkitildes jýrnalister qory men «Qazaqstandyq press-klýb».
