ءۇشىنشى فەستيۆال كۇنىنىڭ باستى يدەياسى «ۇرپاقتار ساباقتاستىعى» بولدى. ويتكەنى، بۇگىندە «ازيا داۋىسى» الدىنا تەك مۋزىكا مايتالماندارىنىڭ بۋىنىن عانا ەمەس، ءبىر كەزدەرى ونەر جولىن وسى بايقاۋدان باستاعانداردى بىرىكتىرۋ مىندەتىن قويىپ وتىر.
سوندىقتان، ءۇشىنشى كۇنى ەڭ الدىمەن بالالار فلەشموبىن كوردىك، سودان كەيىن ساحناعا «جاس قانات. بالالار» بايقاۋىنىڭ جەڭىمپازدارى شىقتى. جۇلدىزدارعا ەرەكشە كونسەپسيا – بالالارىمەن ءان شىرقاۋ ۇسىنىلدى.
ماسەلەن، قازاقستاننىڭ حالىق ءارتىسى ناعيما ەسقالييەۆا ۇلى دياس ابىلايەۆپەن دۋەت ورىنداسا، قازاق كسر-نىڭ حالىق ءارتىسى، وزبەكستاننىڭ ەڭبەك سىڭىرگەن ءارتىسى، قىرعىز رەسپۋبليكاسىنىڭ ەڭبەك سىڭىرگەن مادەنيەت قايراتكەرى روزا رىمبايەۆا ساحناعا ۇلدارى ءالي رىمبايەۆ، ءمادي وقاپوۆتارمەن تريو بولىپ شىقتى.
فەستيۆالدىڭ ءۇشىنشى كۇنى ساعىنىشقا تولى بولدى. ەكران ارقىلى كورەرمەندەرگە 90-شى جىلدارداعى اتى اڭىزعا اينالعان «ازيا داۋىسى» ساحناسىندا بۇگىنگى ارتىستەردىڭ قانداي بولعانى تۋرالى روليكتەر كورسەتىلدى. سونداي-اق، ولار ايگىلى «ازيا داۋىسى» دجينگلىنىڭ اۆتورى، بىرنەشە ددد دەيتىن داۋىستى جاساعان، فەستيۆالگە گەرمانيادان ارنايى كەلگەن ۆيتاليي ميحاەليستىڭ ەستەلىكتەرى ايتىلدى.
ەڭ باستىسى، قاتىسۋشىلار «ازيا داۋىسى» ساحناسىندا تۇڭعىش رەت الەكساندر بەلياكوۆتىڭ جەتەكشىلىگىمەن Al Jazz Symphony ەسترادالىق جانە سيمفونيالىق وركەسترىنىڭ سۇيەمەلدەۋىمەن ونەر كورسەتتى. الماتىنىڭ 60 ۇزدىك مۋزىكانتى ارتىستەر مەن كورەرمەندەر ءۇشىن كەش بويى جۇمىس ىستەپ، ناعىز ساۋند ءلاززات سىيلادى!
ءۇشىنشى كۇننىڭ حەدلاينەرلەرى - وزبەكتىڭ "ياللا" توبى مەن شۆەسيالىق "Secret service" توبى بولدى. ايتپاقشى، «ياللا» توبى – مادەنيەتتى دامىتۋعا قوسقان ۇلەسى ءۇشىن فەستيۆال سيمۆولى – كۇن باسى بار جاراتىلىس بەينەسىندەگى قايتا جاڭعىرعان «ازيا داۋىسىنىڭ» العاشقى مۇسىنىمەن ماراپاتتالدى. ونى فەستيۆالدىڭ باس پروديۋسەرى ارمانجان بايتاسوۆ تانىستىردى.
– فەستيۆال كومانداسى ءۇش كۇن بويى كەرەمەت جوبا جاساپ جاتىر. مەن ەكى ەلەمەنتتىڭ – «ەسكى مەكتەپ» جانە جاڭا كوماندانىڭ بىرىكتىرىلگەنىنە وتە قۋانىشتىمىن جانە ۇجىمعا راحمەت ايتامىن. ءبىرىنشى كۇندى جاساعان ازات ابىكەنگە، ەكىنشى كۇنى Black Eyed Peas كەلۋىن ۇيىمداستىرعان ءسابيت سۇلەيمەنوۆكە جانە «ازيا داۋىسى» قوعامدىق قورىنىڭ پرەزيدەنتى يرينا كوۆىرياكوعا العىسىمدى بىلدىرەمىن، – دەدى، ارمانجان بايتاسوۆ.
سونداي-اق، ارمانجان بايتاسوۆ فەستيۆالدىڭ دەمەۋشىسى Allur Auto ۇسىنعان Chevrolet Onix اۆتوكولىگىن كەنجە ەسىمدى ايەل ۇتىپ العانىن جانە بۇل دا ينتريگا بولعانىن ايتتى. ۇتىس ويىنى ەكى رەت وتكىزىلگەن، العاشقى جەڭىمپازدار بيلەت سانى اتالعاندا ساحناعا شىقپاعان. ءبىراق اقىرى كولىك ءوز يەسىن تاپتى.
فەستيۆال وسىمەن اياقتالدى. ەندى ءبىز ونىڭ نەگىزىن قالاۋشىلار - مۇرات ەرعالييەۆ پەن الەكساندر پونوماريەۆ ويلاپ تاپقان بايقاۋ فورماتىندا وتەتىن كەلەسى "ازيا داۋىسى – 2024" فەستيۆالىنە "قوش كەلدىڭ!" دەيمىز.
فەستيۆال دەمەۋشىلىك پەن اقپاراتتىق قولداۋدىڭ ارقاسىندا مۇمكىن بولعانىن ەسكە سالامىز! «ازيا داۋىسى - 2023» فەستيۆالىنىڭ باس سەرىكتەسى جانە تەڭ ۇيىمداستىرۋشىسى – Halyk Bank بولدى.
رەسمي تەلەارنا: Silk Way
رەسمي گازەتتەر: «Almaty aqshamy» مەن «ۆەچەرنيي الماتى»
اقپاراتتىق قولداۋ: «1 كانال «ەۆرازيا»، «نتك»، MUZZONE TV، Business FM، RadioCitۋ، «دەلوۆوي كازاحستان»، «قالا مەن دالا»، «نوۆوە پوكولەنيە»، «موسكوۆسكيي كومسومولەس»، Forbes.kz، Zakon.kz، Caravan.kz، Kursiv.media، Nege.kz، Arbat.media، Informburo.kz، Baigenews.kz، Zhatpa.kz، Weproject.media، DALA INSIDE تەلەگرامى، تۇركىتىلدەس جۋرناليستەر قورى مەن «قازاقستاندىق پرەسس-كلۋب».
