Óskemende “Aziia Avto” kompaniiasynyń burynǵy basshylary Anatolii Balýshkin men Erik Saǵymbaevqa (ekeýi de — Resei Federatsiiasynyń azamattary) qatysty sot úkimi shyqty, dep habarlaidy Dalanews.kz.
Aiyptalýshylar sot zalyna kelmegen, úkim syrttai shyǵaryldy.
Anatolii Balýshkin Qylmystyq kodekstiń 190-baby, 4-bóligi, 2-tarmaǵy — “Asa iri kólemdegi alaiaqtyq” boiynsha kináli dep tanylyp, 9 jylǵa bas bostandyǵynan aiyryldy. Sonymen qatar oǵan 10 jyl boiy kommertsiialyq uiymdarda basshylyq qyzmet atqarýǵa tyiym salyndy. Jazasyn ortasha qaýipsizdik mekemesinde óteidi.
Erik Saǵymbaev Qylmystyq kodekstiń 190-baby, 4-bóligi, 2-tarmaǵy (“Asa iri kólemdegi alaiaqtyq”) jáne 245-baby, 3-bóligi (“Salyq tóleýden jaltarý, qylmystyq toppen nemese asa iri kólemde jasalǵan”) boiynsha kináli dep tanyldy. Oǵan 8 jyl 6 aiǵa bas bostandyǵynan aiyrý jazasy taǵaiyndalyp, 10 jylǵa deiin kommertsiialyq uiymdarda basshylyq qyzmet atqarýǵa tyiym salyndy. Jazasyn ol da ortasha qaýipsizdik mekemesinde óteidi.
Jábirlenýshi tarap — QR Indýstriia jáne qurylys ministrliginiń ókili keltirilgen materialdyq shyǵyndy óndirý jónindegi azamattyq talap aryzyn sot qanaǵattandyrmady.
Úkim zańdy kúshine engen joq.
Aiyptaý nusqasyna sai, Balýshkin men "Aziia Avtonyń" bas direktory Erik Saǵymbaev bankten alynǵan nesieler men salyqty tólemeý maqsatynda 230 mlrd teńge qarjyny jymqyrǵan. Bul qarajat avtomobilderdi ónerkásiptik qurastyrý zaýytyn salýǵa arnalǵan bolatyn. Balýshkin 2021 jyldyń tamyzynan bastap halyqaralyq izdeýde.
2025 jyldyń naýryzynda sot "Aziia Avtonyń" taǵy segiz top-menedjerine úkim shyǵardy. Olar alaiaqtyq, qarjy jymqyrý jáne salyqtan jaltarý baptarymen aiyptaldy. Eki adam aqtaldy. "Alaiaqtyq" baby keiin "Aldaý nemese senimdi teris paidalaný arqyly múliktik ziian keltirý" babyna aýystyryldy. Sottalǵandarǵa 2,5 jyldan 2 jyl 8 aiǵa deiin bas bostandyǵynan aiyrý jazasy taǵaiyndaldy. Alaida, olardyń tergeý izoliatorynda jáne úiqamaqta ótkizgen ýaqyty eskerilip, jazalary ótelgen dep tanyldy.
Atalǵan atyshýly is boiynsha jábirlenýshiler retinde Jusan Bank jáne Qazaqstannyń Indýstriia jáne infraqurylymdyq damý ministrligi (qazirgi — Indýstriia jáne qurylys ministrligi) tanylǵan.
