ٶسكەمەندە “ازييا اۆتو” كومپانيياسىنىڭ بۇرىنعى باسشىلارى اناتوليي بالۋشكين مەن ەرٸك ساعىمباەۆقا (ەكەۋٸ دە — رەسەي فەدەراتسيياسىنىڭ ازاماتتارى) قاتىستى سوت ٷكٸمٸ شىقتى, دەپ حابارلايدى Dalanews.kz.
ايىپتالۋشىلار سوت زالىنا كەلمەگەن, ٷكٸم سىرتتاي شىعارىلدى.
اناتوليي بالۋشكين قىلمىستىق كودەكستٸڭ 190-بابى, 4-بٶلٸگٸ, 2-تارماعى — “اسا ٸرٸ كٶلەمدەگٸ الاياقتىق” بويىنشا كٸنەلٸ دەپ تانىلىپ, 9 جىلعا باس بوستاندىعىنان ايىرىلدى. سونىمەن قاتار وعان 10 جىل بويى كوممەرتسييالىق ۇيىمداردا باسشىلىق قىزمەت اتقارۋعا تىيىم سالىندى. جازاسىن ورتاشا قاۋٸپسٸزدٸك مەكەمەسٸندە ٶتەيدٸ.
ەرٸك ساعىمباەۆ قىلمىستىق كودەكستٸڭ 190-بابى, 4-بٶلٸگٸ, 2-تارماعى (“اسا ٸرٸ كٶلەمدەگٸ الاياقتىق”) جەنە 245-بابى, 3-بٶلٸگٸ (“سالىق تٶلەۋدەن جالتارۋ, قىلمىستىق توپپەن نەمەسە اسا ٸرٸ كٶلەمدە جاسالعان”) بويىنشا كٸنەلٸ دەپ تانىلدى. وعان 8 جىل 6 ايعا باس بوستاندىعىنان ايىرۋ جازاسى تاعايىندالىپ, 10 جىلعا دەيٸن كوممەرتسييالىق ۇيىمداردا باسشىلىق قىزمەت اتقارۋعا تىيىم سالىندى. جازاسىن ول دا ورتاشا قاۋٸپسٸزدٸك مەكەمەسٸندە ٶتەيدٸ.
جەبٸرلەنۋشٸ تاراپ — قر يندۋسترييا جەنە قۇرىلىس مينيسترلٸگٸنٸڭ ٶكٸلٸ كەلتٸرٸلگەن ماتەريالدىق شىعىندى ٶندٸرۋ جٶنٸندەگٸ ازاماتتىق تالاپ ارىزىن سوت قاناعاتتاندىرمادى.
ٷكٸم زاڭدى كٷشٸنە ەنگەن جوق.
ايىپتاۋ نۇسقاسىنا ساي, بالۋشكين مەن "ازييا اۆتونىڭ" باس ديرەكتورى ەرٸك ساعىمباەۆ بانكتەن الىنعان نەسيەلەر مەن سالىقتى تٶلەمەۋ ماقساتىندا 230 ملرد تەڭگە قارجىنى جىمقىرعان. بۇل قاراجات اۆتوموبيلدەردٸ ٶنەركەسٸپتٸك قۇراستىرۋ زاۋىتىن سالۋعا ارنالعان بولاتىن. بالۋشكين 2021 جىلدىڭ تامىزىنان باستاپ حالىقارالىق ٸزدەۋدە.
2025 جىلدىڭ ناۋرىزىندا سوت "ازييا اۆتونىڭ" تاعى سەگٸز توپ-مەنەدجەرٸنە ٷكٸم شىعاردى. ولار الاياقتىق, قارجى جىمقىرۋ جەنە سالىقتان جالتارۋ باپتارىمەن ايىپتالدى. ەكٸ ادام اقتالدى. "الاياقتىق" بابى كەيٸن "الداۋ نەمەسە سەنٸمدٸ تەرٸس پايدالانۋ ارقىلى مٷلٸكتٸك زييان كەلتٸرۋ" بابىنا اۋىستىرىلدى. سوتتالعاندارعا 2,5 جىلدان 2 جىل 8 ايعا دەيٸن باس بوستاندىعىنان ايىرۋ جازاسى تاعايىندالدى. الايدا, ولاردىڭ تەرگەۋ يزولياتورىندا جەنە ٷيقاماقتا ٶتكٸزگەن ۋاقىتى ەسكەرٸلٸپ, جازالارى ٶتەلگەن دەپ تانىلدى.
اتالعان اتىشۋلى ٸس بويىنشا جەبٸرلەنۋشٸلەر رەتٸندە Jusan Bank جەنە قازاقستاننىڭ يندۋسترييا جەنە ينفراقۇرىلىمدىق دامۋ مينيسترلٸگٸ (قازٸرگٸ — يندۋسترييا جەنە قۇرىلىس مينيسترلٸگٸ) تانىلعان.
