Memleket basshysy agroónerkásip keshenine aýqymdy reforma jasalýǵa tiis ekenin aitty, - dep habarlaidy Dalanews.kz.
Bul oraida Prezident sý ministriniń jumysyn synǵa aldy.
"Sý resýrstarynyń qoljetimdi bolýy – agroónerkásip kesheniniń turaqty damýyna tikelei yqpal etetin mańyzdy faktor. Byltyr Jambyl oblysynyń diqandary sý tapshylyǵynan qatty zardap shekti. Biyl da qurǵaqshylyq bolýy múmkin.
Arnaiy qurylǵan Sý resýrstary jáne irrigatsiia ministrliginiń jumysy ázirge oidaǵydai nátije bergen joq. Al, kórshi memleketter sý tapshylyǵyn joiý úshin naqty maqsat qoiyp, belsendi jumys istep jatyr.
Al bizde bolsa, sý resýrstaryn basqarý júiesin damytý tujyrymdamasy tek jaqynda ǵana qabyldandy. Bul qujat tym uzaq talqylandy. Ashyǵyn aitý kerek, jaǵdai óte kúrdeli. Mysaly, elimizdegi sýarmaly jerdiń 13 paiyzynda ǵana sý únemdeý tehnologiiasy bar",- dedi Memleket basshysy.
