"Әзірге ойдағыдай нәтиже жоқ". Президент су министрін сынға алды

Сағыныш Сардарова 07 ақп. 2024 11:36 789

Мемлекет басшысы агроөнеркәсіп кешеніне ауқымды реформа жасалуға тиіс екенін айтты, - деп хабарлайды Dalanews.kz.

Бұл орайда Президент су министрінің жұмысын сынға алды.

"Су ресурстарының қолжетімді болуы – агроөнеркәсіп кешенінің тұрақты дамуына тікелей ықпал ететін маңызды фактор. Былтыр Жамбыл облысының диқандары су тапшылығынан қатты зардап шекті. Биыл да құрғақшылық болуы мүмкін.

Арнайы құрылған Су ресурстары және ирригация министрлігінің жұмысы әзірге ойдағыдай нәтиже берген жоқ. Ал, көрші мемлекеттер су тапшылығын жою үшін нақты мақсат қойып, белсенді жұмыс істеп жатыр.

Ал бізде болса, су ресурстарын басқару жүйесін дамыту тұжырымдамасы тек жақында ғана қабылданды. Бұл құжат тым ұзақ талқыланды. Ашығын айту керек, жағдай өте күрделі. Мысалы, еліміздегі суармалы жердің 13 пайызында ғана су үнемдеу технологиясы бар",- деді Мемлекет басшысы.


Ұсынылған
Соңғы жаңалықтар
x