Qazirde Babaiqorǵan aýyldyq okrýginiń Mergen tóbe jerindegi qazba orny Túrkistan qalasynan soltústik-batysqa qarai 33 shaqyrym jerde, Jańaqorǵan ózeniniń jaǵalaýynda ornalasqan
Qazba jumystaryna 15-ten asa maman qatysýda. Onyń ishinde «Áziret Sultan» qoryq-mýzeiiniń arheology Baqytjan Nurhanov pen Nurjan Tadjibaev ta bar. Arheolog mamandardyń aitýynsha obalar qurylysynyń syrtqy turpatyna qaraǵanda bul eskertkishter óte qundy aqparattar beredi. Atalǵan arheologiialyq qazba jumystary nátijesinde qazirdiń ózinde ejelgi obalar orny anyqtaldy.
Osy oraida, arheolog Talǵat Óserov atalǵan obalar erte Temir jáne erte Túrik dáýirlerine qatysty degen boljam jasap otyr. Obalardyń diametri 23-26 m. biiktikteri jerdiń deńgeiinen eseptegende 2 — 2,2 m bolady. Qazirgi kezde obalardyń syrtqy qurylystary anyqtala bastady.
Aita ketsek, biyl «Áziret Sultan» qoryq-mýzeii arheologiialyq qazba zertteý jumystaryn júrgizýge beriletin litsenziiaǵa ie bolǵan. Mýzei tarihynda osyndai arheologiialyq qazba jumystary mýzei tarapynan alǵash ret júzege asýda.
